Wilhelmus: Versjèl tösje versies

Verwijderde inhoud Toegevoegde inhoud
K cats
Geen bewerkingssamenvatting
Tekslien 7:
Nao de [[Vrei vaan Munster]] bleef 't Wilhelmus populair, meh ummer mie raakde de teks vergete en veraanderde ouch de melodie. In de loup vaan d'n achtienden iew waor 't veraanderd in 'nen instrumentale [[marsj]], bekind es de ''Prinsemarsj''. Deze vörm vaan 't Wilhelmus waor tot roond 1900 vrij populair en laangen tied d'n insegste vörm dee me kós. Alternatief vörm mèt teks bleve es [[volksleedsje]] bestoon; nog in de [[jaore 1960]] kós zoe'n versie op [[Terschelling]] weure opgeteikend.
 
Pas in de [[jaore 1830]] begóste de aw versies weer bove te drieve. Me waor neet gans ketinkketint mèt 't nui volksleed ''[[Wien Neêrlands bloed]]'' en voont de teks vaan 't Wilhelmus zoewel geïnspireerder es beter passend (um de calvinistischen inhaajd). In [[1871]] verzörgde theoloog A.D. Loman sr. de heroetgaaf vaan de ''Gedenck-clanck'' vaan [[Valerius]], 'n op ziech vrij wèllekäörege geuzeleedbundel (in dee zin tot 't diverse aander, dèks oetgebreider beuk vaan dat soort gief). De bundel kaom oonder de aondach vaan d'n Oosterieker [[Eduard Kremser]], dee zès leedsjes droet, boe-oonder 't Wilhelmus, tot 'ne cyclus maakde. Zoe woort de melodische variant in de laankzaam, [[koraol]]echtege zètting vaan Kremser de standaard.
 
In deze vörm maakde 't Wilhelmus in raozeteg tempo 'nen opmarsj. 't ''Wien Neêrlands bloed'' bleef gespäöld weure, zjus wie de Prinsemarsj, meh allebei móste ummer mie terrein priesgeve. Bij de inhöldeging vaan [[Wilhelmina vaan de Nederlen|Wilhelmina]] in [[1898]] späölde [[Willem Mengelberg]] mèt 't [[Concertgebouworkes]] Valerius-Kremserversie. De jaore dao-op oontstoont nog consternatie wie me oontdèkde tot ouch de melodie vaan Valerius neet de oersprunkeleke waor; Wilhelmina bleef de veurkäör geve aon de versie die ze in 1898 had gehuurd. In de jaore die volgde greujde 't Wilhelmus oet tot officieus volksleed; de wètsveraandering vaan 1932 waor neet mier es 'n formaliteit.
Aafkomstig van Wikipedia, de Vriej Encyclopedie. "https://li.wikipedia.org/wiki/Wilhelmus"