Rippubliek vaan de Zeve Vereinegde Nederlen versjèl tösje versies

→‎Meziek: Hei daan ouch mer...
(→‎'t Rampjaor (1672): Boeveur zouw iech jao neet wijer goon....)
(→‎Meziek: Hei daan ouch mer...)
===Meziek===
[[Plaetje:Jan_Pieterszoon_Sweelinck.png|thumb|Jan Pieterszoon Sweelinck, de belaankriekste Nederlandse componis oet d'n tied vaan de Rippubliek.]]
Op muzikaol gebeed maakde de Nederlen neet de naom dee ze in de sjèlderkuns haolde. De belaankriekste componis waor [[Jan Pieterszoon Sweelinck]], dee nog in de stijl vaan de [[Nederlandse Sjole]] waor groetgebrach meh veural vaan belaank is door zien [[klaveermeziek|klaveerwerke]]. Heer sjreef oonder mie polyfoon [[fantasie (meziek)|fantasie]]ë en [[ricercare]]s, zoewie geisteleke en wereldleke variaties. De geisteleke variaties, bedoeld veur 't [[örgel]], zien bekaans allemaol op lutheraonse koraolmelodieë. Aander componiste oet de zeventieden iew waore de blokfluitis [[Jan van Eyck]], de gebore Vlaoming [[Carel Hacquart]], de sjriever en diechter Constantijn Huyghens en d'n organis [[Anthoni van Noordt]], dee calvinistische koraole op de wijs vaan Sweelinck zat.
 
In d'n achtienden iew maakde Amsterdam naom es centrum vaan gedrökde meziek. D'n Italiaanse componis en vioolvirtuoos [[Pietro Locatelli]] waor hei jaorelaank actief. [[Gerardus Havingha]] maakde naom mèt sonnate in zeldzaom toensoorte, boemèt heer e pleidooi veur de [[geliekzwevende stumming|enharmonische stumming]] deeg. De meziek vaan [[Willem de Fesch]] woort vrij väöl gespäöld; de naom vaan [[Unico Wilhelm van Wassenaar]] bleef evels tot in de laten twintegsten iew oonbekind door 'n verkierde touwsjrieving vaan zie werk. [[Pieter Hellendaal]] componeerde kwalitatief good werk in de stijl vaan Händel, in 'nen tied tot deze stijl evels hendeg verawwerd waor. De Pruus [[Christaan Ernst Graaf]] waor es hofcomponis aon de Oranjes verboonde wie 't woonderkeend [[Wolfgang Amadeus Mozart|Mozart]] häöm in 1766 trof; ouch dee lèste heet 'n aontal composities in de Rippubliek gesjreve en oetgeveurd.
Aafkomstig van Wikipedia, de Vriej Encyclopedie. "https://li.wikipedia.org/wiki/Speciaal:MobielVerschillen/393983"