Paranormaal: Versjèl tösje versies

Al aa 't eng va de [[negetiende iew|neëgetieënde ieëw]] woeëde paranormale versjiensele en 't bewies doa vuur óngerzoch. I 't wetesjappelig óngerrich woar d'r Britse psycholoog [[William McDougall]] i 1927 d'r ieësjte prominente docent deë gepleit hat vuur ing academisje richting vuur de parapsychologie óp de Duke universiteet oeë heë i dat joar góng docere. Mieëstes weëde i zing experimente aadach gehawwe vuur de vroag óf 't e leëve noa de doeëd guëf (en indeen joa: óf doamit de geis óch besjteet.) Óp de [[Duke Universiteit|Duke universiteet]] koam McDougall i kontak mit d'r bioloog [[J.B. Rhine]] oeë heë ingóng óp 't vuurstel va d'r bioloog um same te wirke mit dön experiment uëver mediums en telepathie. Konkreet hilt 't experiment i dat de vermeudelige medium kieërte óf 't aatal tippels óp inne dobbelsjteë (zunger gebroek va kansbereëkening) mós góng raje óp basis va dön paranormale gave's. Hei-mit woeëd geperbeerd bewies te vinke vuur 't besjtoa va boetezintoegelige waarnimming. 't Experiment woeëd sjtark bekriteseerd vaweënge de vöale fuite i de procedure va 't óngerzeuk, meh neettemin woeëd de monografie ónger d'r titel ''Extrasensory Perception'' i 1934 vastgelag en gepubliceerd durch de ''Society for Psychical Research'' i g'n Amerikaansje sjtad [[Boston]].

Óch hütse daags weëde paronormale versjiensele óngerzoch óp universitete, en de universitete [[universiteit van Freiburg|Freiburg]] en [[universiteit vavan EdingburghEdinburgh|Edingburgh]] han parapsychologie as academisje richting. De mieëste óngerzeuke weëde allewiel oetgeveurd durch zèfsjtengige (amateur) óngerzeukesj óf kleine óngerzeukgróppe. De mieëste óngerzeuksobjekte zint de zoeëgeneumde [[sjpoekplèksjpoekplaats|sjpeukplakker]] wie hoezer, krankehoezer, kesjötter, plèkke oeë krieëgshengelinge hant plaatsgevónge óf e kirkhóf.

Anger óngerzeuk vink óch plaatsj middels 't ópvanke va geloed va ónsjtóffelige weëzes, oeë-bei doa va weëd oetgegoa dat beivuurbild sjtimme óf anger soartgelieke geloede va geister vuur de gewuëne minsjelige oor bekans neet te huëre is. Va'naaf de vreuge [[twintigste iew|twintigste ieëw]] makde me gebroek van [[bandjrecorder|bankrecordesj]]. Hei-va woeëd aagenoame, dat dees apparatuur anger frekwensies die neet huërbaar zint vuur 't oor, kanne ópneëme, zoeëdat 't noa get filtere óf verlaanksame va de sjnelheed va de ópname de sjtimme va entiteit(e) huërbaar zint. Óch weëde energieë va uëvergegange durch óngerzeukesj geliek gesjtild aa elektromagnetisje energie. Um paranormale aktiviteet te mieëse weëde dan de [[EMF-meter]]s gebroek, oeë-bei hoeëge elektromagnetisje sjpanning geliek weëd gesjtild aa hoeëger paranormale aktiviteet.