Ripuarisch-Limbörgs: Versjèl tösje versies

Verwijderde inhoud Toegevoegde inhoud
Geen bewerkingssamenvatting
Geen bewerkingssamenvatting
Tekslien 13:
De Ripuarisch-Limbörgse dialekte höbben e paar kènmirker euverein. Zoea zeen ze bao allemaol [[toeanen op 't Limbörgs|tonaal]] en ligke ze t'n oeaste van de [[Panninger Linie]] (me zaet dus ''sjmaal'' en neet ''smaal''). Wiejer kinne de meiste dialekte [[gutturalisering]] (''hónk'' veur ''hóndj'' of ''wèngter'' veur ''wintjer''), [[l-vocalisatie]] (''hòòt'' en ''jòòd'' veur ''holt'' "hout" en ''góld'') en ouch klinkerverkórting (''modder'' en ''vadder'' inplaats ''moder'' en ''vader'') kump väölvöljig veur.
 
Anger algemein kènmirke die doon dinken aan 't Ripuarisch zeen [[r-sjoewheid]] ('t eweglaote van de -r in codaposiesje, wie ''paeëd'' inplaats ''paerd'', döks mit naoslaag of kluuering richting 'n a-echtige klink, wie ''hat'' inplaats ''hert''), 't gebroek van wirkwäördsvörm wie ''han'' en ''jónt'' inplaats ''höbbe'' en ''gaon'', 't substituering van de [[zaachte g|''g'']] door 'n ''j'' (''jood'' veur ''good'') en 't gebroek van van 't waord ''zage'' of ''zare'' veur ''zègke.
 
Opvallendj is det väöl dialekte neet mitdoon ane [[t-deletie]], die waal algemein is veure meiste [[Oeas-Limbörgs|Oeas-]] en, in minder maot, [[Centraal-Limbörgs]]e dialekte. Bie sómmige dialekte hèltj det in det t-deletie gares neet veurkump, dewiel anger dialekte 't waal nag in bepaoldje maot doorveure, meh beveurbeildj neet bie wirkwaordsverveuginge.
Aafkomstig van Wikipedia, de Vriej Encyclopedie. "https://li.wikipedia.org/wiki/Ripuarisch-Limbörgs"