Sjtieëfteciefer: Versjèl tösje versies

Doa teëngeuëver sjteet dat de lenger i d'r derde weëlt e gans hoeëger [[Gebaorteciefer|gebuërteciefer]] hant, oeë-durch evvelstoch e positieve bevólkingsgreuj is. Óch migraasj noa anger (rieker) lenger beivuurbild, drök ded'r bevólkingsgreuj neet. De rieker lenger hant e zieër lieëg zoegelingesjtieëfte mit e lieëger gebuërteciefer en 'ne rilletief hoeëg sjtieëfteciefer, allewiel de mieëste Wes-Europese lenger toch e'n lichte greujende bevólking hant, dat deels óch te make hat mit [[immegraasj]].

I de demografie sjpreëkt me uëver 'nee [[sjterfte-euversjót|sjtieëfteuëversjót]], went d'rt sjtieëfteciefer hoeëger is as 't Gebuërteciefergebuërteciefer óf algehele bevólkingsgreuj. 't Teëngeuëvergesjtilde is 't [[gebaorte-euversjót|gebuërteuëversjót]], oeë sjprake va is went 't aatal gebuërte's hoeëger is as 't aatal sjtieëfgevelle.

I [[Europa]] is de situaasj waat betrèf de sjtieëfteciefer neet indoedig. Zoeëwie aagegeëve gilt vuur mieëste Europese lenger va'noet weëltperspektief e rilletief lieëg gebuërteciefer, meh dat beteëkent neet noeëdzakeligerwieës dat de bevólkingsgreuj negatief is. Versjillende faktoeëre, wie immegraasj, meh óch 't groeëtedeels óntbreëke va geweld, politieke stabiliteet, bruto nasjenaal gelök, gooj medisje zórg en gooj óngerrich, zuurge vuur e lieëg sjtieëfteciefer. Sómwieles zint riligieuze motieve wiechtig vuur e (get) hoeëg(er) gebuërteciefer. Zoeë zeet me i [[Ierland|Ierlank]] e sjnel greujenke bevólking, dat 't gevólg is va inne aktieve beleiding va d'r kattelige godsdeens. 't Mohammedaansje [[Turkeie]] en aangrénzjenke Noard-Afrikaansje lenger zint vergeliebaar geveller.

Nederlank hat e rilletief lieëg sjtieëfteciefer, allewiel 't regionale versjille guëf. De provincie Flevolank, meh óch 't sjteëlige gebeed i Hollank, de [[Randstad|ranksjtad]] hauw e consjtan positieve bevólkingsgreuj en 'nee hoeëg [[vestigingseuversjót|vastigingsuëversjót]]. Vöal rankgebeder, wie [[Groningen (provincie)|Groninge]], groeëte deler va de provincie [[Nederlands Limburg|Limburg]] en [[Zieland|Zieëlank]] hant rilletief lieëge gebuërteciefer en 'nee rilletief hoeëg [[vertrèkeuversjót|vertrekuëversjót]]. 't Vertrèkuëversjót zuurt doa vuur dat vöal aw lüj heem blieëve, en mieër awwer lüj zuurtzuurgt doa vuur dat 'nee rilletief hoeëg sjtieëfteciefer is. T'r vergelieking: Flevolank hat 5,1 sjtieëfgevelle (p. 1.000), en Zieëlank hauw 't hoeëgst: 9,6. I Limburg zeet me e verdelink: [[Naord-Limburg|Noard-Limburg]] hauw e'n leech greujende bevólking en wie mieër me i 't zude kunt, wie negatiever ded'r bevólkingsgreuj per 1.000 lüj. [[Venroj|Venroaj]] hauw inne bevólkingsgreuj va 1,8, [[Venlo]] 0,5 en [[Heële]] geet aachteroet mit 2,5, wie de mieëste plaatsj i de [[Miensjtreek]] (en beivuurbild [[Zittert-Gelaen|Zittert-Geleën]]: -3,5). Masjtrich doateënge, hauw innen sjnelgreujende bevólking. De bevólking geet hei mit 7,0 vuurtoet. <ref>http://www.zorgatlas.nl/beinvloedende-factoren/demografie/geboorte-en-sterfte/sterftecijfer-per-gemeente/</ref>