Wasseberger: Versjèl tösje versies

't '''Wasseberger''' of '''Wasseberjer''' is 't ([[Oeas-Limbörgs]]-)[[Ripuarisch-Limbörgs]] euvergangsdialek zoeawie det wuuertj gespraoken in [[Wasseberg]] en ómgaeving. 't Dialek is al behuuerlik oeasteliker in karakter in vergelieking mit 't dialek van [[Effeld]] en 't [[Kerkener]]. Dit uutj zich veurnamelik in mieër r-sjoewheid. Wo me get wèsteliker nag euver ''hert'' kaltj, wuuertj det in Wasseberg al ''Hatt''. E versjil mit 't Kerkener is det de aaj lang Germaanse ''ee'' en ''oo'' häör oearsprunkelike kwaliteit höbbe behaje; wo me in Kerke ''joet'' "good" en ''Bier'' "beer" zaet, sprèk me in Wasseberg nag van ''joot'' en ''Beer''. 't Wasseberger duit aan [[gutturalisering]] en klinkerverkórting, waat me trögkvindj in wäörd wie ''Fröng'' "vrunj" (en ouch ''Kèngk'' "kindj" en ''Wèngter'' "wintjer") en ''Modder'' "moder" (en ouch ''Vadder'' "vader"). Tupisch is ouch 't wäördje ''ues'' (spraek oet es ''oeës'') veur "oos", wobie 'n ónverwachse diftongering plaats haet gevónje. Dees diftongering zuutj me ouch trögk in 't waord ''wue'' (''woeë'') veur "wo".

[[Categorie:OesRipuarisch-Limburgse dialekte]]