Walchere

Walcheren is 't westelike deil vaan de provincie Zielandj. 't Geit um ein veurmaolig eilandj (huutsjedaag de veurtzètting vaan Zuud-Bevelandj) in de delta vaan de reveer de Sjelde (eigelik de ziejárme de Ooster- en Westersjelde). 't Gebeed tèlt ongevaer 115.000 luuj op ein opperflaak vaan 216km², daomiè is Walcheren mit 526 inw/km² de dichtbevòlkste sjtreek in Zielandj. Op Walcheren zeen de groeëtste sjtède vaan Zielandj gevèstigd, wie Vlissingen (33.000 luuj) en Middelburg (40.000 luuj). Anger belangrieke sjtedsjes en dörper zeen, Arnemuiden (5000 luuj), Veere (1600 luuj), Oost-Souburg (10.000 luuj), Ritthem, Oostkapelle en Westkapelle. Plèkke as Domburg, Zoutelande en Vrouwenpolder zeen bereumdj as Badplaetse aon de NaordziejD'r kómme väöl Duutsje en Belsje Toeriste nao 't eilandj. Veere en Middelburg zeen ouch good bezóch.

Landsjap en inwoener

De meiste luuj kalle noch 't lokaal Ziews, óf ze könne 't dèks good. Dat geit väörol op in de klein dörper op 't plattelandj. In 't zèlfde gebeed zeen de meiste luuj ouch gerifformeerd-protestants, in de groeëtere sjtède, zjus as Vlissingen, zeen de luuj minder geluivig.

Walcheren sjteit ouch bekind vaanwaege de sjlacht óm Walcheren in de Twiede Wereldkrèèg.De gealjeerde Noorse en Ingelsje tròpe besjlóte de Duutsje bezètting te sjtòppe doar de dieke beej Westkapelle te bomberdère. In Westkapelle vónde 180 luuj de doeeëd. Anger plèkke wie Vlissingen wèrde óntruimdj. Oétindelik vònde ongevaer 1.600 luuj de doeeëd doar inundazje en gevèchte. 't Ganse landsjap was verpèst doar t' zalt van 't ziejwater. In februari 1953 wäödt Walcheren noch ein kiè getròffe door ein euversjtróming, maar 't land is dèzze kiè minder hard getròffe, as beej de inundazje.