Zuud-Bevelank: Versjèl tösje versies

[[File:LocatieZuidBeveland.png|thumb|De ligking vaan Zuud-Bevelandj.]]

'''Zuud-Bevelandj''' ([[Nederlands|Ollesj]]: ''Zuid-Beveland'') is 't ostelike deil vaan [[Zielandj]]. Zujelik grénst 't gebeed aon [[Westerschelde]], naordelik aon [[Naord-Bevelandj]] en de [[Oosterschelde]]. Westelik grénst Zuud-Bevelandj aon [[Walcheren]] en oostelik aon de province [[Noord-Braobant]]. 't Gebeed besjteit oét de gemeinten: [[Goes]], [[Kapelle-Biezelinge]], [[Borsele]] en [[Reijmerswaal]]. Biej mekare télt Zuud-Bevelandj om én biej 92.081 luuj. (De letste gegaevens sjtamme oét 2006.) In Zuud-Bevelandj zien de meiste luuj gerifformeerd-protestants. Vreuger besjtoond 't gebeed oét sjlikke en sjorre mit eilendsjes, die later ingepolderdj zien. Dèzze polders kinmérke zich dikkels deur eine kleine opperflaak. In 't gebeed ontsjtónde ien de middeliewe versjèllende sjtadsjes, wie: Goes (de groeëtste vaan Zuud-Bevelandj mit 26.920 luuj (1-1-2010)), [[Kapelle]], Borssele, [[Kruiningen]] en [[Yerseke]]. Yerseke is ouch bekind om zien [[mósjel]]e en [[oester]]s. 't Tamp van 't gebeed wäödt gebroek veur akkerlandjboew. Zuud-Bevelandj vángk ouch 't groeëtste deil vaan 't verkier vaan Zielandj. De belangriekste waege zien de otosjnelwaeg A58 en een kórte sjtök otosjnelwaeg, de A256 geneump, biej Goes. De A256 geit euver in de N256 naor Naord-Bevelandj en [[Schouwen]], die euver de bereumde vief kilometer lánge Zielandjbrögk löp. Anger belangrieke waege zien de N62, N254 en de N289. De N62 löp via de in 2003 ge-aopende [[Westerscheldetunnel]] nao [[Ziews-Vlaondere]]. D'r löp ouch ein iezerwaeg vaan [[Bergen op Zoom]] nao [[Vlissingen]].