Robbe: Versjèl tösje versies

De '''Robbe''' of '''Zieroufdiere''' (wetensjappelek Latien: '''Pinnipedia''' <small>(Illiger 1811)</small>) zien 'n [[claad]] vaan [[roufdiere]] (Carnivora) die ziech gans aon 't leve in 't water heet aongepas. 't Zien mollege tot rechoet ploompe bieste, boevaan de veurpu ziech tot flippers höbbe oontwikkeld en de achterpu tot 'n saort start. De robbe hure bij de oonderorde ''[[Caniformia]]''; dit wèlt niks meer of minder zègke tot ze, boete de [[hun]], ouch relatief ing verwant zien aon beveurbeeld [[bere]], [[hermelijne en wezele|wezele]] en [[stinkdiere]]. De robbe umvatte de [[walrus]], [[ziehun]], [[zieliewe]], [[ziebere]] en [[zieolifante]]. Ze koume in alle wereldzieë veur, veural in kösgebeed, meh höbbe door hun isolerende speklaog e bezunder competitief veurdeil in de poolzieë. Ze leve vaan vès, zelde vaan zieveugel of aander robbe.