Arabisch Veurjaor: Versjèl tösje versies
Verwijderde inhoud Toegevoegde inhoud
Tekslien 93:
===Zwart Afrika===
[[Zwart Afrika]] (Afrika bezuie de Sahara) is al sinds decennia de ermste regio op Eerd. Wie in de Arabische wereld gief 't alum [[corruptie]] en 't gebeed is door väöl oorloge en intern conflicte versjäörd. Sinds tien tot twinteg jaor geit 't dao evels beter: (min of mie) democratische regimes zien opgestande en väöl conflikte zien bijgelag, wat economische greuj en normalisatie meugelek maakde. Dat nump neet eweg tot ermooj en oongeliekheid nog ummertouw enorm zien, en tot in väöl len de democratie nog wied te zeuke is. In versjèllende len gaof dat, geïnspireerd op de proteste in 't kortbij Noord-Afrika, aonleiing tot proteste. Tot zoewied (september 2011) zien die gemeld in [[Angola]], [[Benin]], [[Burkina Faso]], [[Djibouti]], [[Gabon]], [[Guinee]],<ref>[http://english.aljazeera.net/news/africa/2011/09/201192884440565343.html Al Jazeera English - Deadly crackdown on protests in Guinea]</ref> de [[Ivoorkös]], [[Kameroen]], <ref>[http://www.afrol.com/articles/37416 afrol News - Police easily cracks down Cameroon protests]</ref> [[Malawi]], [[Mozambique]], [[Oeganda]], [[Senegal]], [[Swaziland]] en [[Zimbabwe]].<ref>[http://english.aljazeera.net/indepth/features/2011/04/201141014942125983.html Al Jazeera English - Protests in Sub-Saharan Africa]. Bron veur al dees len, tenzij aanders gezag.</ref> In sommege len, wie in de Ivoorkös, waor 't intern conflik al langer aon de geng en is de link mèt 't Arabisch Veurjaor neet direk. In e land wie Angola evels, boe president [[Jose Eduardo dos Santos]] al 32 jaor aon de mach is, en [[Senegal]], boe president [[Abdoulaye Wade]] 'n groondwètsverandering veurbereide die häöm langer aon de mach kós hawwe, kaom de inspiratie dao dudelek heer.
In [[Nigeria]] kamp me mèt perbleme door de greuiende rebellie vaan de [[Islam|Mohammedaonse]] extremiste die 't noorde vaan 't land bezètte en doezende oonsjöldege lui al höbbe vermaor en verhandeld. De gróp nump ziechzelf [[Boko Harem]] en zeet ben te höbbe mèt d'n [[Islamitische Staot]] in [[Syrië]] en [[Irak]]. Dizze terroristische staot in 't [[Midde-Ooste]] is 'n direk gevolg vaan 't Arabisch Veurjaor in Syrië en de dao-opvolgende [[Syrische Börgeroorlog]]. Väöl lui twiefele evels of 't wel mie tösse Boko Harem en d'n Islamitische Staot gief boete symbolische vrundsjap. Wel stèlle väöl lui tot de verbazende force en greui vaan d'n Islamitische Staot veur väöl verbazing, bewondering en daorum ouch zelfverzekerdheid heet gezörg bij versjèllende terroristische gróppe wie Boko Harem.
==Referenties==
| |||