Arabisch Veurjaor: Versjèl tösje versies
Verwijderde inhoud Toegevoegde inhoud
Tekslien 56:
'''[[Bahrein]]''', 'n eilandstaot in de [[Perzische Golf]], is gooddeils [[sjiiete|sjiitisch]] vaan religie, meh de regerende klas, in 't bezunder de keuninkleke familie roond keuning [[Hamad bin Isa al-Chalifah]], besteit oet [[soennah|soenniete]]. Op [[14 februari]] begós me in de hoofstad [[Manamah]] mèt proteste veur mie gelieke rechte veur de twie geluifsriechtinge. De euverheid accepteerde de proteste neet en sjikde op [[17 februari]] de polies op de demonstrante aof. Dit maakde 't protes verbetener en radicaolder. Me eisde noe de val vaan de monarchie; dit in tegestèlling tot Marokko, Jordanië en Oman, boe demonstraties euver 't algemein neet tege de voors waore geriech. De demonstrante bezatte 't [[Perelplein]] in de hoofstad en de protesmarsje greujde aon tot hoonderddoezend lui, neet minder es e vijfde vaan de ganse bevolking. Op [[15 miert]] zat de keuning de deur ope nao oetgebreid euverheidsgeweld door de noedtouwstand in te stèlle; eineg daag later veegde ordetróppe 't Perelplein oet, twie daog denao haolde ze 't Perelmonumint neer, wat de demonstrante es symbool hadde aongenome. De roop um verandering weurt evels nog ummertouw gehuurd.
In '''[[Irak]]''' waor, in tegestèlling tot väöl aander len in de regio, d'n tied vaan laankdorege dictatuur al in [[2003]] beïndeg, mèt d'n inval vaan de VS in 't land. Dit had [[Saddam Hoessein]], 'nen excentrieken alleinheerser te vergelieke mèt Qaddhafi, verdreve, meh 't land in groete chaos achtergelaote. Sinds e paar jaor raakde de spiraol vaan etnisch ([[Koerde]] en [[Arabiere]]) en sectarisch (soenniete en sjiiete) geweld get doorbroke, meh corruptie en ermooj bleve groete probleme. Dit leide tot doorloupenden oonvrei oonder de bevolking. Allewel tot de internationaol media de proteste gooddeils lete links ligke, kaom 't ouch hei in februari tot groetsjaolege en soms gewelddaodege proteste in stei wie [[Baghdad]] en [[Mosoel]]. In [[Al-Koet]] (Kut) bezatde de hordes 't ketoer vaan de gouvernäör. Um d'n oonvrei in te damme beloufde premier [[Noeri al-Maliki]] ziech in [[2014]] neet obbenuits kandidaot te stèlle. Sinds [[29 juni]] [[2014]] is Irak in oorlog mèt d'n [[Islamitische Staot]], dee indirek ouch e gevolg is vaan 't Arabisch Veurjaor. Heer is oontstande oet formaties vaan versjèllende terroristische beweginge mer ouch Europese en Rössische migratie vaan mohammedaone nao [[Syrië]] tiejes de nog altied däörende [[Syrische Börgeroorlog]]. Op dee daag stoke de soldaote vaan de zoegenaomde IS de grens euver nao Irak. D'n Islamitische Staot steit noe in 't middelpönt vaan de belangstèlling in de [[media]] en greuit nog ummertouw in Syrië en Irak. Es rizzeltaot is de Irakese regiering al e paar kier bijnao gevalle.<ref>{{cite web|title=Kurds accused of 'ethnic cleansing' by Syria rebels|url=http://www.cbsnews.com/news/kurds-accused-ethnic-cleansing-syria-rebels-isis/|accessdate=22 June 2015|publisher=CBS News}}</ref>
'''[[Jordanië]]''' heet 'n monarchie mèt keuning [[Abdoellah II vaan Jordanië|Abdoellah II]] aon 't hoof. Allewel tot de monarchie vrij populair is oonder groete deile vaan de bevolking, waor in linkse en islamitischen hook toch groete oonvrei euver de regering oontstande. Wie in de ganse Arabische wereld waor hei ermooj en slechte behoezing de veurnaomste rei veur de straot op te goon. De keuning gaof snel gehuur aon de proteste. Op [[1 febrari]] oontsloog heer de regering en belasde heer [[Maroef al-Bachiet]] mèt 't make vaan e nui kabinèt. Dit góng väöl demonstrante neet wied genóg en de roop um mie democratie bleef in de maonde denao klinke.
| |||