Latiens sjrif: Versjèl tösje versies

Verwijderde inhoud Toegevoegde inhoud
Geen bewerkingssamenvatting
Tekslien 75:
 
===Typografische variante===
In de klassieke aajdheid woort allein gesjreve mèt wat veer allewijl hooflètters neume. Zeker in [[kalligrafie|kalligrafisch]] gebruuk, wie in [[inscriptie|steininscripties]] en luxe handsjrifte, waor wieneg variatie touwgestande. In de keizertied evels gaof 't al wel lèttervariante boemèt me snel kós sjrieve (wie us huieg [[stenografie|steno]]); dit neumde ''loupend'' of ''cursief sjrif'', umtot de lèttere doorloupend aoneingesjreve kóste weure.
 
In de vreug [[middeliewe]] - de zoegeneumde [[Karolingische renaissance]] - woort dees meneer vaan sjrieve geformaliseerd in 'ne kalligrafische vörm, dee me ''[[Karolingisch minuskelsjrif|minuskel]]'' geit neume. Dit woord kump vaan 't Latiens ''minusculus'', wat 'get kleinder' beteikent; de aw lètters heite noe ''majusculus'', 'get groeter'. In 't Nederlands, en m.m. 't Limbörgs, is me later vaan ''hooflètters'' en ''klein lètters'' goon spreke.
 
Later in de middeliewe kriege de lètters, zoewel de minuskele es de majuskele, typische vörm die vaan de ieder gebruukde variante versjèlle. De lètters vertuine sterk d'n invlood vaan de gajzevere boe ze mèt zien gesjreve. Veur oongeoefende modern lezers kin dit soort sjrif lesteg te leze zien. Dit is veural 't geval in Wes- en Noord-Europa; in Italië hèlt me väöl mie aon awwer vörm vas. Me is dit soort sjrif ''[[Gotisch sjrif (typografie)|Gotisch sjrif]]'' goon neume, umtot 't samevèlt mèt de [[gotiek]]; 't moot evels neet weure verward mèt 't [[Gotisch sjrif (alfabet)|sjrifsysteem]] wat de [[Gote]] in de veerden iew veur [[Gotisch|hun eige taol]] gebruukde.
 
Bij 't oontstoon vaan de [[bookdrökkuns]] kriege versjèllende typografische variante vaster vörm. De gewoen majuskele en hun oonverseerde minuskelvariante goon bekind stoon es <tt>[[romein]]</tt>, sjuinse variante heite ''[[cursief]]'' en de Gotische variante koume oonder versjèllende aander naome bekind te stoon, oonder mie <math>\mathfrak{fractuur}</math>. Me kós ze langen tied alledrei in tekste nevenein tegekoume (veur diverse nuances aon te geve); romein en cursief zien nevenein blieve veurkoume. Vaan alledrei bestoon diverse variante, zoegeneumde [[lèttertyp]]e; dit vèlt boete 't kader vaan dit artikel.
 
Veural in de Gotische sjrifte, meh ouch in gewoen romein/cursieflèttertype, had de s langen tied twie variante: ſ en s. Veural in 't [[Duits]] zien die twie variante laank nevenein gebruuk, zjus umtot die taol dèks in fractuursjrif gesjreve woort.
 
===Diacritische teikes===
 
===Ligature===
 
===Extra lètters===
Aafkomstig van Wikipedia, de Vriej Encyclopedie. "https://li.wikipedia.org/wiki/Latiens_sjrif"