't Complex besteit van vreuger oet zisoet zès geboewe. Dit zeen 't höidgeboewhoufgeboew, 't studiehoes (aafgebraoke), de bungalow (dae is d'r neet meer), 't bioblok, L03, M+ en e geboew wo 't bestuur zètj. In M+ waere muzieklèsse gegaeve. Vruueger deendje dit geboew es e kepèlke. 't Bioblok is de plaats wo biologie wuuertj gegaeve. L03 lègk aan e graasvèldj en zjuus achter de fietsjestalling. In dit geboew wuuertj inne wintjer, 't vruueg veurjaor en 't laat naojaor gymnastiek gegaeve. L01 en L02 lègken in 't höidgeboew. In de zómmer wuuertj boete op 't graasveldj gegymp. 't Höidgeboew besteit oet drie verdepinge, ouch lègke de aula, de foyer, de ónger- en baoveboewmediatheek, de kantine, de kluuskes en de centrale hal in dit geboew. De bungalow stong ane straotkantj en ane parkieërplaats. In de bungalow, dae vruueger deendje es 't hoes van de kezjersj, waere begleidingslèsse gegaeve. 't Studiehoes bevatj veurnamelik lokale. D'r zeen planne óm dit geboew te sloeape, meide ómdet 't ouch get verwaerdj is.
