Sjin op Geul: Versjèl tösje versies

'''Sjin op Geul''' {{Audio|Li-vb-Sjin op Geul.ogg|loester}} (Nederlands: Schin op Geul) is 'n dörp in de gemeinte [[Valkeberg aan de Geul]]. Ouch de buurtsjappe [[Ingwege]], [[Keuteberg]], [[Walem]], [[Sjoanbrón]], [[Opsjuèmer]] en [[Sjtröch]] huère bie Sjin. 't Grondgebeed vanva Sjin is 691 hectaar groat en d'r wone ongevaer 2000 luuj. 't Dörp is bekènd es vakantieplaats. D'r liegkeligke dan ouch ein paar hotels, campings en e bungalowpark. Tot [[1940]] waor Sjin 'n zelfsjtendige gemeinte.

De ièrsjte gesjreve vermelding van 't dörp Sjin dateert oet 1145. In 'ne gunsbreef besjrif [[Paus Eugenius III|Paus Eugenius d'n derde]] de bezittinge van de monnike vanva [[Reims]]. In dae breef weurt ouch de [[kèrk]] vanva Sjin geneump.

De ander verklaoring is dat de naam is aafgeleid van e volk, de [[Suniciërs]]. Zie vestigde zich naodat de [[Eburone]] door de [[Romeine]] waore oetgeroeid in 't gebied dat noe [[Zuid-Limburg]] is. Ouch vanva ander plaatse in de buurt liekent de naam te kómme van deze sjtam, namelik [[Sjènne]], [[Sjilvend]], [[Sinnich]] en [[Sjömmert]].

't [[Sjins|Dialek]] va Sjin liekent väöl op dat vanva [[Valkeberg]] (boete de paort). Westelik va Sjin löp 'n [[isoglos]], 'n taalgrens, die aangeuf dat bepaalde klanke en weurd in Sjin angesj (oasteliker) zin es in bv. Valkeberg.

De parochiekèrk va Sjin is gewiejd aan d'r heilige [[Mauritius]]. 't Oudste deil van de kèrk is geboewd in [[romaanse sjtiel]]. In 1926 boewde me ónder arsjitek [[Van Groenendael]] oet [[Mestreech]] 'n nuuj groat middesjeep mèt twiè ziebeuke, e nuuj preesterkoar en twiè sacristieë. De kèrk is saer 1859 e baevaartsoord van d'r [[heilige]] [[Cornelius]], umdat d'r hie relieke vanva häöm waere bewaard. Wiejer sjteit in de kèrk e gepolychromeerd gipse beeld van d'r heilige. In Sjin verièrt me Cornelius veural es petroan tege de nervekrenkdes. Saer 1873 hèlt me eder jaor in september, rónd d'r fièsdaag vanva Cornelius, 'n [[octaaf]]. Me kènt in Sjin ouch allerlei Cornelius-[[devotionalia]] gelle.<br>

Bie de [[parochie]] vanva Sjin huèrt ouch [[De Kloes op de Sjaatsberg|De Kloes op d'r Sjaasberg]]. Op de lètste zóndig vanva juni vingk d'r Sjaasbergergank plaats en dreug ded'r pesjtoar va Sjin 'n [[Heilge Mès|Mès]] op in de [[kapel]] van de Kloes.

Sjin op Geul lik aan ded'r [[sjpoorlien]] Mestreech - [[Heële]] en haet 'n eige sjtasie. De sjtasie lik ouch aan 't miljoenelientje ([[Kirchroa]] (Centrum) - Sjin). 't Trajek haet dae naam gekrege umdat 't in [[1911]] ein miljoan gölle per kilomaeter kosde um 't aan te lègke. Saer april [[1995]] riejt d'r eine sjtoumtrein op dit trajek. DeD'r sjtoumtrein weurt beheerd door de [[Zuid-Limburgse Sjtoumtrein Maatsjappie]] (ZLSM).