Jo Caris: Versjèl tösje versies
Verwijderde inhoud Toegevoegde inhoud
Touwveuging oetlègk vaan 'n aontal wèke |
|||
Tekslien 191:
De prizzentasie
voond plaots in Café Restaurant La Bonne Femme. Caris
euverhandigde ‘t ierste eksemplaar aon Titus Panhuysen.
MOOSWIEVER VAAN SINT-PIETER
Es de CV De Mosasaurusse oettrèk veur aon hun verpliechting
te goon voldoen löp ‘ne groep Mooswiever mèt hun mèt, echgenotes en döchter
vaan de mansluij. Bijj gelegenheid vaan de viering in 1993 vaan ‘t 2x11 jaorig
bestoon vaan deze groep mooswijfkes is e beukske gemaak mèt wetenswaardighede
euver hun bestoon. Ze zie wie ’n levende sjèlderijj oet d’n tied wie de greuntes
vaan de tuinderijje op Sint-Pieter aoftrèk voonte tot in Noord-Fraankriek.
Op bladzijj 2 vaan dat beukske lees g’r tot doe
Mooswijfkes z'ch neet de kuul oet de körref laote pikke:
Zuug die luij ins
loere
Ze meine veer zien
boere.
Veer zien de
tuinders vaan Sint-Pieter
Wee us get zeet
krijg op z’ne mieter.
TRAONE MÈT VASTELAOVEND
In 1972 riechde Caris
same mèt ‘ne neef ‘t Zaat Herremenieke “Veer
Zowwe Zoe Gere” op. Mèt es mzikante alle gezinslede. Twellef maskes. Geine wis vaan
toete noch bloze. ’t Ierste instrumint waos de zinke wasketel vaan Zjeng, es
Dikke Zjiem. De kós allein mer op de boojem boenkere want euver de bovekant
zaot plestik gespanne, ’n opegesjäörde groete tuut. ‘t Twiede instrumint waore
twie keteldèksele, es klaters. De muzikante marsjeerde op straot dèks achterein.
“Daan make v’r mie oet”, zagte ze. Op basis vaan de belevenisse vaan dat gezèlsjap
fantaseerde Caris z’ne karnevalsroman bijein. ’t Ierste eksemplaar woord in
1993 in Den Ouden Vogelstruys aongebooje
aon Prins Wim II.
Geïllustreerd mèt
foto’s vaan sjèlderije vaan Chrit Rousseau
ZÈT UUCH INS… (oetgegeve
in 1996)
… is ‘ne bundel korte
verhaole, oetgevoerd in low budget. De teikening op d’n umslaag is vaan Tum
Smids. De verhaole zien ouch op kassètte te kriege.
MESTREECHTER
VERTÈLSELS EN VERTÈLLINGE (oetgegeve in 1999)
Um inspiratie op te doen veur z’n sprookjes
vollegde Caris in Duitsland de Märchenstrasse, ’n rót die begint in Hanau, de
geboortestad vaan Jacob en Wilhelm Grimm, en eindig in Breme bijj ’t
gedinkteike aon Die Strassmusikanten. Die Strasse löp dweers door de streek boe
de gebreurs hun mie es 200 sprookjes verzameld en poëties bewèrrek höbbe. Hun
‘hand-eksemplare’ ligke te kiek in ’t Grimm-museum in Kassel. In väöl tejaters
langs de rót weure toneelveurstèllinge vaan hun sprookjes gegeve, zoewel
euverdèk es in de opeloch, zoewel mèt póppe es door levende oteurs.
De vertèlsels en vertèllinge speule z'ch aof
op lokaties in en roond Mestreech.
POT!... ’n Hamfel späölselkes (2003)
Kin gezeen weure es e vervolleg op ’n Hamfel
Kestaanjele. De verhaole goon euver de belevenisse vaan Sjarelke, z’n vrundsjes
en vrundinnekes es ze same op straot speule. Dat waos in d’n tied vaan veur de
koms vaan de kompjoeter gans gewoen. En dat kós ouch good, speule op straot
want dao waos wienig verkier vaan oto’s en fietsers.
Bijj eder verhaol weurt in e kader de
speulregels oetgelag en watste debijj nudig höbs.
’t Book woord gemaak in opdrach vaan De
Kiekoet.
KEERSVERTÈLLINGE (2004)
Mie es ins kraog Caris te hure vaan luij die eder
jaor keersverhaole veurloze veur gezelsjappe, tot ze verlege zaote um nuij
mattriaol. Dat inspireerde Caris tot ’t make vaan ‘t oonderhavige beukske. Meh
dao stoon ouch verhaole in vaan René Heckers. Wie dat zoe gekoume is? Caris
vertèlt:
“René Heckers lierde iech kinne via de
Stiechting ’t Gilde. Iech verzörregde dao ‘ne kursus Mestreechs en René sjreef
z'ch dao-op in. Oonder de naom “René Heckers (Mestreechteneer)”. Heer spraok
z'ch dao pertinent oet veur ’t gebruuk vaan de spelling volleges Endepols. Die
touwveuging ‘Mestreechteneer’ stoond ouch op d’n achterkant vaan de envelop die
‘r mèt Keersemes sjikde aon e stèl bekinde. D’rin zaot ’n keerskaart mèt e
verhäölke. Euver ‘ne bekinde Mestreechteneer, maan of vrouw. Volleges René woer
gebäörd. Altied mèt ’n positieve strekking en eindigend mèt ’n keerswins. Wie
iech mien keersverhaole ging bundele vroog iech aon en kraog iech vaan häöm
touwstumming dreij vaan zien verhaole tösse die vaan miech in te binde. ‘nen
Tied later naom iemes mie initiatief euver en gaof e beukske oet mèt e stèl verhaole
vaan René, aktie finansjeel gesponsord. Raar voond iech tot d’n teks stoond in
de spelling volleges Veldeke Limburg en neet in de spelling die René zoe nao
aon ’t hart laog. Meh zuug, mèt de Keersemes d’rop sjikde René miech ’n envelop
mèt dao in ’n kaart en e verhaol… in zie vertrouwd Endepols! Alleh… dink geer uuch
ouch mer ‘t eurt devaan, neet?”
“Keersvertèllinge” is oetgevoerd in low budget.
=='''Bibliografie'''==
| |||