Jo Caris: Versjèl tösje versies

Laot miech daan in zien eerd vergoon.

 

Jo Caris is z'ch serjeus goon touwlègke op ’t sjrieve vaan Mestreechse tekste wie d’n datum vaan z’n pensjenering, es chemiker op ‘t Centraal Laboratorium vaan de Staatsmijnen (Geleen), in ‘t ziech kaom. Heer wouw get zinnigs um han höbbe in de jaore es ‘r neet mie hoofde te zörge veur ’t good funktionere vaan chromatografiese kolomme en gein analyses mie hoofde te óntwikkele veur baonbrekende produkte die op ’t lab woorte oetgedokterd. Gein vergaderinge mie hoofde te bezeuke vaan UNIE BLHP, Raad van Overleg, OR of COR.

’t Sjrieve waos ‘m neet vreemp. Heer maakde al veur deen tied door de jaore heer löchtige gediechskes in ’t Nederlands en bundelde die in e beukske (1980), bestump veur de naoste femilielede, mèt es titel “Zonder Trompetten en Trom”. Deen titel is spontaon aongelieverd door e gezinslid, aon taofel, oonder ‘t ete. Dat gebäöre besjrijf Caris in ’t openingsgediechske "Naam".