Mergelgrot: Versjèl tösje versies

[[Vleermoes|Vleermuus]] houte in de berg hunne wintersjlaop. Ouch [[eikelmoes|eikelmuuskes]] zeuke ziech hie 'n look um te sjlaope of te euverwintere. Wiejer doon 'n paar soorte vlindersj, zoa-es de [[Kleine vos]], 't [[Roestje]] de [[Daagpauwoug]], [[mögk]]e, [[wild verke|wil verkes]] ([[pissebed]]) dat ouch. 'ne Echte beweuner van de berg ies de [[Grottesjpin]]. De [[sjteinmarter]] of [[fuwien]] woont neet in de berg, meh geit sóms deep nao binne. De [[vos]] hèlt ziech miè bie d'n ingank op. [[Sjteinuul|sjteinule]], [[winterkeuninkske|keuninkskes]], [[däölke]]s en [[meelder]]sj nèstele dèks in loker, die ziech aan de boeteloch bevinge.

 

Umdat blokbrekersj veurziechtig te werk ginge, zint 'r fossiele, reuze sjildpadde en Maashagedisse, o.a de Mosasaurus, bewaard gebleve. Van dees lètste ies gein gaaf exemplaar opgegrave, meh haet me aan de hand van diverse fragmente zoan exemplaar kènne samevoge. In 1770 vóng me in de Sint Pietersberg 'ne Mosasauruskop. Deze ies in de [[Franse tied]] in [[Paries]] terech gekómme. 'n Gipse aafgeetsel bevingk ziech in 't [[Natuurhistorisch museum]] in Mestreech. 'n Ander groat fossiel ies gevónge in de Bemelerberg in 1954, van vermoedelik 18 maeter lengde.