De lètse Griekse parlemèntsverkiezinge vaan [[2015]] waore op [[25 jannewarie]]. Dit naodat 't Parlemènt vaan [[Andonis Samaras]] nao drei stömroondes ind [[december]] [[2014]] d'r neet in waore geslaag um 'ne nuie prizzedent te keze. Zoewie in de Griekse groondwet steit vermeld, deende nao 'n daarde gefaalde stömroonde 't parlemènt binne tien daog te weure oontboonde, wat dan ouch gebäörde. De verkezinge woorte gewonne door 't linkse [[SYRIZA]], dat mèt 149 zetels zjus gein absolute mierderheid behaolde. Daogs nao de verkezinge sloot de partij e regeerakkoord mèt de [[Anexartiti Ellines]] (oonaofhenkeleke Grieke). Op [[27 jannewarie]] [[2015]] woort 't nuij kabinet vaan [[Alexis Tsipras]] ingezwore. 't Nuij kabinet heet 11 ministeries, 6 minder es 't Samaras-kabinèt. De prizzedent bleef [[Karolos Papoulias]] oonder hun periood.
't Parlement vaan Griekeland heet mer ein kamer, de Kamer vaan Aofgeveerdegde, of, op 't Grieks, ''Vouli ton Ellinon''. De kamer heet dreihoonderd zetels mèt 'n termijn vaan veer jaor. Um 'n coalitie te vörme mótte dus 151 zetels weure gebruuk. De lèste kier waore verkezinge in [[2011]]. De prizzedent weurt aongeweze door de zittende premier. Es 'ne prizzedent wèl blieve zitte bij e nuij termijn, maag de premier keze of dat geit gebäöre. De prizzedent is daorum indirek demokratisch, aongezeen heer door de demokratisch-gekoze premier weurt oetgekoze. Dees rippebliekeinse vörm besteit pas sinds [[1974]], naotot 't [[fascisme]] waor gevalle.
De regering vaan [[Giorgos Papandreou]] waor in november 2011 gevalle. [[Karolos Papoulias]] is al sinds [[12 miert]] [[2005]] prizzedent vaan 't land, [[Andonis Samaras]] naom Papandreous rol euver in [[20 juni]] [[2011]]. 't [[Kabinèt-Samaras]] woort [[21 juni]] bekind gemaak. [[5 juli]] woort 't kabinèt ingezwore. De coalitie besteit oet Samaras' partij [[Nea Dimokratia]] (129 zetels), Papoulias' partij [[PASOK]] (33 zetels) en de [[sociaaldemocratie|sociaaldemocratische]] [[Dimokratiki Aristera]] (Democratisch Links, 17 zetels). Mèt 179 zetels höbbe ze mie es genóg veur 'n mierderheid. De ministers zien evels allemaol ofwel vaan Nea Dimokratia, ofwel oonaofhaankelek. Dit is geweunlek in de Griekse polletiek. De oppositie besteit nog oet veer aander partije, die vaan groet nao klein de [[socialisme|socialistische partij]] [[SYRIZA]] (Coalitie Radikaol-Links, door sommege media ouch [[communisme|communistisch]] gevoonde), [[nationaal-conservatisme|nationaal-conservatieve partij]] [[Anexartitoi Ellines]] (de Oonaofhaankeleke Grieke), [[neonazisme|neonazistische partij]] [[Chrysi Avgi]] (Gawwen Däögraod) en de [[communisme|communistische partij]] [[Kommounistiko Komma Elladas]] (Communistische Partij Griekeland).
