S'n Pieëter

Dit artikel is gesjreve (of begós) in 't Valkebergs. Laes hie wie v'r mit de versjillende saorte Limburgs ómgaon.

---

S'n Pieëter (Nederlands: St. Pieters-voeren; Frans: Fouron-St-Pierre) is 'n dörp in de gemeinte Voere in Belsj Limburg. In Voere kalle ze Voeres, Nederlands en Frans. De rivier de Voor löp door 't plaetske en langs 't kesjtièl en Commanderie. D'r wone ca 300 luuj.

Buurtsjappe

• Swaan
• Drink
• Rullen
• Peerds (Op 'n kaart oet 1924 sjteit: Peerdskèrkhof)

Bezeenswaerdig

• De einbeukige parochèrk oet 1660, geboewd in opdrach van commandeur Willem Quadt van Beerck ies geboewd van baksjtein en verseerd op de heuk mèt blokke helle sjtein. De tore ies karakteristiek veur Limburgs kèrke.
• 't Kesjtièl, aan de Voor, in Maaslandse renaissancesjtiel, ies ouch opgetrokke van baksjtein en verseerd op heuk mèt helsjteine blokke . Ouch de vènsterlieste zint van daezelfde sjtein. 't Hudige geboew sjtamp oet de 17e ièw en behuèrde tot de Franse Revolutie tot 'n Duutsje ridderorde.

In 't park welt 'n brón, die vieversj en de rivier de Voor van water veurzuut. Dao bevingk ziech ouch 'n forelle-kwekerie.

• Ouw häöf, ouw hoezer, woa-ónder vakwerkhoezer.
• Op versjillende krusinge van waeg: waegkruzer
• Hellinge, bösj (o.m. de St. Gillisbösj), grave en haol waeg in de directe umgeving.