'''Ariel Sharon''' ([[Kfar Malal]], [[2726 fibberwarie]] [[1928]] es '''Ariel Scheinermann''' - [[Ramat Gan]], [[11 jannewarie]] [[2014]]) waor 'nen [[Israël]]ische militair en politicus. Heer speulde 'n groete rol in diverse oerloge en operaties, boe-oonder de [[Zèsdaogsen Oorlog]] en de [[Jom Kippoeroorlog]]. Zie hel optrejje zörgde veur algemein bewoondering in eige land, meh maakde häöm bij de Arabere gehaat. Wie heer ind jaore zeveteg 't leger verleet, góng heer de politiek in, boe heer diverse ministerposte bekleide. Ouch dao kaom heer bekind te stoon es havik. Vaan [[17 fibberwarie]] [[2001]] tot [[14 aprèl]] [[2006]] waor 'r [[premier]] vaan Israël. Tot november [[2005]] waor heer lid vaan de [[Likud]]-partij, denao stapde heer oet dees partij veur de [[Kadima]]-partij op te riechte. Heer leek op weeg nao e gemaotegder beleid, meh veel begin jannewarie 2006 in [[coma]], naotot heer zien twiede bereurte in e paar maond tied kreeg. Heer woort dao neet mie oet wakker en storf nao ach jaor vegetatieve touwstand in jannewarie 2014.
