Posters: Versjèl tösje versies

Limburg is heel zeker de provincie van Nederland wo 't meiste plat gekald waerd. Det Limburgs plat is aevel neet euveral 't zelfde. Det kins se good heure es se dich in 't sjoon Limburgs landj verplaats, en loesters nao wat de luuj zich en dich in de versjillende sjtae en dörper te vertèlle höbbe. En det zuus se ouch es se dich 'n lies paks van de waordebeuk die óngertösje van een heel deil van die dialekte versjene zeen: 't Mesjtreechs, 't Remunjs, 't Kirchraos, 't Hertes, 't Echs, 't Tegels en nag väöl mier. Angere zeen op 't moment in bewèrking.

Dit jaor is nag ein dao biegekómme, det van Postert. Postert haet 'n heel eige dialek, det op 'n deil intersante puntje versjilt van beveurbildj 't Remunjs.