Urdu: Versjèl tösje versies

't '''Urdu''' (eige naom اُردُو‎) is 't in [[Pakistan]] gebruuk standaardregister vaan 't [[Hindoestani]], in [[Indogermaanse taole|Indogermaanse]], [[Indo-Arische taole|Indische]] taol die in groete deile vaan 't Indiaas subcontinent es lingua franca deensdeit en door de elite weurt gesproke. Wie 't Hindi is 't Urdu gebaseerd op 't [[Khariboli]], 't dialek vaan [[Delhi]] en umgeving. 't Urdu is oontstande in 't [[Mughalriek|Mogolriek]], 'n [[islam]]itisch riek wat praktisch gans Zuid-Azië besloog en sinds de zeventienden iew Delhi es hoofstad had.

Hindi en Urdu versjèlle neet of koelek in klaanklier en grammair, meh zien gemekelek vaanein te oondersjeie door hun sjrifte: dewijl Hindi 't [[Devanagari]] gebruuk, weurt Urdu gesjreve in [[adzjami|'n eige versie]] vaan 't [[Arabisch sjrif]] (mie in 't bezunder is 't gebaseerd op de Perzische variant daovaan). Ouch 't [[vocabulair]] versjèlt: 't Urdu kint e groet aontal [[Perzisch]]e lienwäörd (en ouch vrij väöl [[Arabisch]]e en [[Turkse taole|Turkse]]), dewijl 't Hindi mie lexicaol aofhenkelek is vaan 't [[Sanskriet]]. Boete Pakistan weurt 't Urdu ouch gebruuk door väöl [[India]]se [[islam|moslims]]; iemes zien religie bepaolt daan dèks of 'r 'nen Hindi- of 'nen Urdu-spreker is. Alles bijein sjat me 't aontal mojertaolsprekers op zoe'n 65 mieljoen, mèt nog ins 40 mieljoen twiedetaolsprekers.