Nederlands: Versjèl tösje versies
Verwijderde inhoud Toegevoegde inhoud
Geen bewerkingssamenvatting |
K Hersjtèld tot de versie nao de lètste wieziging door Ortjens. |
||
Tekslien 16:
[[Plaetje:Niederländische Dialekte.png|thumb|280px|'t Nederlands taolgebeed en häör dialekte]]
Meistens weurt in [[Limburg]] mèt de tèrm ''Hollands'' nao de gaanse Nederlandse taol verweze. In taolkundeg verband is dat evels sterk aof te raoje, umtot 't Hollands eigelek inkel ein gróp dialekte vaan 't Nederlands is. 't Is in groete lijne wel dee variant boe-op de [[Algemein Nederlands|Nederlandse Standaardtaol]] gebaseerd is. Rouweweg kin me drei hoofgrópe oondersjeie, naomelek 't [[Hollands]], 't [[Braobants]]-[[Oosvlaoms]] en 't [[Ziews]]-[[Wesvlaoms]]. 't Ziews en 't Wesvlaoms weure soms es 'n apaarte taol of zelfs twie apaarte taole besjouwd, umtot ze neet geaffecteerd zien door de [[Braobantse diftongering]]. De Braobantse en de Hollandse dialekte, die de groetste bijdrage gedoon höbbe aon de standaartaol, koume bij de meiste oonderzeukers neet veur 'n apaarte status in aonmerking.
't Hollands oondersjeit ziech vaan de aander dialekte door 't gebruuk vaan ''jij'' veur "doe" en 't vörme vaan [[diminutief|diminutieve]] op -ie. 't Braobants heet ''gij'' en vörmp diminutieve wie 't Limburgs. De Ziewse gróp kinmerk ziech door 't behawwe vaan de ii en uu boe de meiste aander dialekte ei/ai en ew/oi höbbe ('t Limburgs, mèt in de meiste dialekte ii en oe, is nog conservatiever). De Braobantse gróp is veur Limburg 't interessants, umtot zie 't mies ing mèt 't Limburgs verwant is en väöl dialekte in Noord-Limburg daotouw behure.
| |||