Historie va Cyprus: Versjèl tösje versies

Wie Cyprus in [[1990]] volweerdeg lidmaotsjap aonvroeg bij de [[EU]] veroerzaakde dat 'n störm in de Törks-Cypriotische gemeinsjap, die zachte tot Cyprus ziech allein meh vaanoet 't zuie presentierde in [[Brussel]] en dat aonvraog veur lidmaotsjap allein mer wönselek waor es Noord-Cyprus toustumming zaw geve en polletiek invlooj zaw höbbe op de touwnaojering. Vaan dit alles waor niks 't geval. Nao aonleiïng vaan de in [[december]] [[1997]] beginnenterende oetbreiïng vaan de EU, besloot de top vaan de Unie te beginne mèt serieuze Cypriotische touwtreijingsoonderhandelinge. Die begoste op [[31 miert]], in 't jaor [[1998]]. Cyprus trojde touw bis de Europese Unie op [[1 mei]] [[2004]] en nóm ouch de [[euro]] aon. In 't ein en aander moos Cyprus nog väöl opgeve um lid te weure. Zoe waor Cyprus e bekind belestingparadies bis de [[Einentwintigste iew]]. Daonao mooste ze e 'mie Europees' systeem euvernumme. De reij boerum Cyprus, bis eders verassing, zoe gauw 'nen EU-staot woort waor de groete steun vaanoet Griekeland. [[Athene]] dreeg mèt 'n VETO-stöm tege de naojerende oetbreijing nao 't veurmaoleg Oosblok es Cyprus geinen EU-staot kos zien. Neet allein de vete tösse 't noorde en zuie waor 'n oonderwerp vaan diskerere in de EU, ouch umtot 't simpelweeg door de meiste geograove neet weurt gezeen is e laand in zuver Europees groondgebeed. De EU heet in [[2006]] e rèferendum, zoewel in 't zuie wie 't noorde, gehawwe mèt de vraog of Cyprus weer 'n federaole staot zaw mote weure. Dit rèferendum z|orgde d'r veur tot de EU indirek 't noorde polletiek heet erkènd, al is dao op pepeer gaar gein spraoke vaan. 't Noorde stumde mèt groete mierderheid (76 persent) veur 'n federaole staot, dewijl 't zuie mèt mierderheid (61 persent) tege 'n federaole staot koos. Sins kort gief 't evels wel veur de ierste kier weer 'n opening in de maor tösse 't zuie en noorde, boedoor me veur de ierste kier in mie es daarteg jaor weer kos kommenesere mèt mekaar.

 

Sins de Europese sjöldecrisis vaan [[2009]] geit 't ummertouw slechter mèt Cyprus. Laank leek 't mèt Cyprus laank neet zoe slech te gaon wie mèt [[Spaanje]], laot stoon [[Griekeland]]. Evels begoof Cyprus ziech obbenuits in 'n deeptepönt in [[2011]]. Verwach weurt tot Cyprus ziech de sneller oet zal klumme es de groetere Mediterraonse len. Laankzaom begint de ikkenemie op Cyprus weer d'r bove op te komme, al is de wèrkeloesheid nog ummertouw greujende, veural bij jongere.

 

==Brónne==