Ludwig van Beethoven: Versjèl tösje versies

Beethoven waor d'n ierste componis dee zien mieste werke [[opus|opusnómmers]] gaof. Veurheer dege componiste dat huugstens bij gedrökde werke. Sommege relatief vreug werke brach heer pas later oet; e hoeg opusnummer kin daorum bedreeglek zien. Jäögwerke en stökker die heer neet wiechteg genóg voont höbbe gein opusnómmers; die weure aongegeve mèt e WoO-nómmer (''Werke ohne Opuszahle''), 't werk vaan [[Georg Kinsky]] en [[Hans Halm]]. Dees nómmers zien neet chronologisch meh thematisch georganiseerd; orkeswerke iers, daan kamermeziek en tot slot lejer. Oongeveer tegeliek mèt hun deeg [[Willy Hess]] ditzelfde werk, meh daan grundeger: stökker die veur 1957 bekind waore, meh door Kinsky en Halm euver 't hoof woorte gezeen, gief me dèks mèt e Hess-nómmer aon. Vaan zoewel WoO es Hess bestoon suppleminte, bekind es respectievelek ''Kinsky Anh.'' en ''Hess Anh.'' Tot slot gief 't nog de catalogus vaan [[Giovanni Biamonti]] oet 1968; dit is de compleetste catalogus, boe-in alle toen bekinde werke zien opgenome, inclusief de oondudelekste sjetse. De sjetse die allein bij Biamonti veurkoume zien hei genegeerd.