Windhoek: Versjèl tösje versies

{{dialek|Heëlesj}}

'''Windhoek''' ([[Duutsj]]: Windhuk) is de hoofsjtad va [[Namibië]], ing [[republiek]] in 't zude va [[Afrika]]. De sjtad ligk op zoeëget 1.650 meter boave zieënivo in 't centrum van 't lank, tussje de Erosberge in 't oeëste, de Auasberge in 't zude en 't Khomashoeëglank in 't weste. I Windhoek leëve hütsedaags bekans 315.000 miensje. Windhoek is neet alling 't politieke, meh óch 't kultoerele en economisje hat van 't lank. 't Parlement en de Universiteit va Namibië sjtónt hei, en óch 't insigste theater van 't lank. De mieëts gekalde [[taal|sjproak]] i Windhoek is [[Afrikaans]]. Doaneëve kalle vöal lüj [[Ingels|Ingelsj]], seër 1990 de officiële besjtuursjproak va Namibië. Anger sjproake die vöal gekald weëde, zint [[Duutsj]] en Afrikaanse tale, wie bevuurbild 't Osjiwambo, de sjproak va g'n [[Owambo]], 't grutste volk va Namibië.

 

 

==Gesjiechte==

De sjtad woeëd officieel opgeriech i 1890. Namibië woar, ónger d'r naam Zuudwes-Afrika, va 1890 bis 1915 ing Duutsje kolonie. I g'n sjad sjtónt mónnemente die erinne a d'r Duutsje tied, wie de Christuskirche, 't Reiterdenkmal vuur gevalle Duutsje soldoate en 't Tintenpalast, woeë vreuger 't Duutsje koloniale besjtuur zoot. I d'r [[Ièrsjte waereldoorlog|Ieësjte Weltkreeg]] woeëd Namibië semlich flot durch Zuud-Afrikaanse soldoate igenómme. De facto woar Zuudwes-Afrika bis 1990 ing Zuud-Afrikaanse provins en Windhoek de hoofsjtad va die provins. De [[apartheid]], de Zuud-Afrikaanse politiek va oetsjleting teëge lüj die neet blank woare, goof 't óch hei: witte, broene en sjwatte miensje kóste i Windhoek neet durchee leëve. I 1990 woeëd Namibië ing zelfsjtendige republiek en Windhoek de hoofsjtad doava.