Concert: Versjèl tösje versies

2 bytes toegeveug ,  9 jaar geleden
K
(Nuuj pazjena: :''Dit artikel geit euver de meziekvörm. Veur de opebaar oetveuring, zuug konzaer.'' {{dialek|Mestreechs}} E '''concert''', ouch wel bekind, veural in Vlaondere, es '''concerto...)
 
[[Ludwig van Beethoven]] (1770-1823) riech ziech veur zien klaveerconcerte naodrökkelek op Mozart, heer zal 'rs oetindelek vijf componere. Daoneve sjrijf heer ouch e groet vioolconcert. De gewoente um mer ein ambitieus vioolconcert maak sjool in de negentienden iew: nao Beethoven doen beveurbeeld [[Felix Mendelssohn Bartholdy]] (1809-1847), [[Robert Schumann]] (1810-1856), [[Johannes Brahms]] (1833-1897) en [[Antonin Dvořák]] (1841-1904) dat. De mieste vaan dees componiste sjrieve ouch klaveerconcerte, dèks mier es eint.
 
Aon 't begin vaan de romantiek is de figuur vaan de virtuoze componis-oetveurder nog volop te vinde; sterker nog: heer leef mier es oets. Veural de vioolconcerte vaan [[Niccolò PaginiPaganini]] (1782-1840), die es bekaans oonspäölbaar bekind stoon, zien noe nog bekind. Later in d'n iew, es de figuur vaan de componis belaankrieker weurt es de persoen vaan d'n oetveurende, geit dit fenomeen nao d'n achtergroond (al störf heer neet oet, wie oonder mie [[Henryk Wieniawski]] en [[Joseph Joachim]] bewieze). Ouch kinmerkend is tot de blozersconcerte bekaans verdwijne: boe [[Carl Maria von Weber]] (1786-1826) nog twie klarinètconcerte sjrijf (mèt daobij e zoegeneump ''concertino''), zuut me nao häöm veural nog klaveer- en vioolconcerte. Inkel componiste (Dvořak, [[Camille Saint-Saëns|Saint-Saëns]]) sjrieve ouch celloconcerte. Concerte mèt mier es eine solis weure ouch zeldzaom; Beethoven zie tripelconcert veur piano, viool en cello en Brahms zie dobbelconcert veur viool en cello zien de belaankriekste.
 
De vörmprincipes vaan de klassieke meziek blijve min of mie behawwe, al weure de contoure, wie dat in de romantiek gebrukelek waor, wel vager. 'n Bekinde oetzundering is 't twiede klaveerconcert vaan Brahms, boe-in de componis de veerdeilege vörm vaan de symfonie euvernump. Groete oetzundering is [[Franz Liszt]] (1811-1886), dee in zien twie klaveerconcerte - veural in 't twiede - vaan de klassieke vörmprincipes niks euverliet.
Aafkomstig van Wikipedia, de Vriej Encyclopedie. "https://li.wikipedia.org/wiki/Speciaal:MobielVerschillen/335029"