Viele: Versjèl tösje versies

An d'r Kelderwaeg zow ing [[Romeinse villa|villa]] oet de Romeinse tiet ha gesjtange. Òch weëd gesjproake uvver e adelik hoes ''Termoere''. Dae naam kunt truuk in e hoezercomplex, in de Vielendersjtroat. I 1016 weëd òch gesjproake uvver inge hof ''Viele'', noe d'r ''Munnikshof'' (Vielendersjtroat 51) geneumd, is ing sjenking an de [[abdij Burtscheid|abdei]] va Burtsjeid]] i [[Aoke]] (Aken). D'r naam Munnikshof herinnert an de vreuger abdei va Burtsjeid. Die abdei how in 't midde van d'r [[14e eeuw]] väöl land i egedom in dìs sjtrieëk. D'r pastoer van de [[parochie]] woäd beneumt durch de [[abdis]] van dìs abdei. De abdis, Gròndvrawwe van de heerlikheed Viele / Ville, how 't òch vur 't zage uvver 't beheer van d'r Vielenerbusj. D'r [[Arnold van Gemmenich]] hat in 1319 als allodium (vreej erfgód) d'r busj an de abdei gesjònke. De collectieve gebroeksrechte van dae busj, i 1539 vasgelaat in e reglement òp ing perkamente 'Waldrolle', bloof bis 1940 verbònge mit de höf en hoézer in de zìs Vielender 'Rotten'. Dat zunt: Kamerig, Kottese, Berg, Mameles, Ròt en Viele.