Montagne de Bueren: Versjèl tösje versies
Nuuj pazjena: thumb|Montagne de Bueren vaanaof de Rue Hors-Château in het centrum vaan Luuk. Plaetje:Slopes of the Citadel.JPG|thumb|Oêtzich' vaan Montagne d... |
(gei versjil)
|
Versie op 8 dec 2012 22:05
De Montagne de Bueren ès ein straot dee besteit oêt trappe inne wiek Féronstrée et Hors-Château in het centrum vaan de stad Luuk op het Belsj. De trappe verbinje het centrum vaan Luuk mèt de Citadel vaan de stad. De trap heet 375 traptrejje en ès veural bekindj vaanwaege het oêtzich' det het gaef oan den tup. De trap heet eine hellingsgraod vaan óngevaer 28% en treinlien 34 vaan Luuk nao Hasselt luip via de Tunnel Sous Pierreuse ónger de trappe deur.
Naom en legende
De trappe drage de naom vaan Vincent de Bueren (1440-1505), einen adelike hiêr vaan Geldersje oersprónk. Dizze Vincent de Bueren leide de Zèshóndjerd Franchimonteze. Vincent de Bueren en Gosuin de Strailhe hadde 600 mansluuj oêt het markgraofsjap vaan Franchimont (in de naober vaan Theux) gezeumerd um op 28 oktober 1468 eine verrasjingaonval te plege op der hertog vaan Bourgoonje en der Lewie XI (keuning vaan Fraankriek). Lewie vaan Bourbon waor mèt behölp vaan ziene nónk Filips de Gooje der hertog vaan Bourgoonje benump tot prinsbissjop vaan Luuk. Dit evels taege de wunsj in vaan de luukenaere; me vreisde tot de mach vaan de Bourgoonjers te groêt zouw weure. In okober 1468 braok der onrus' oêt in Luuk. Op 22 oktober 1468 verslaot het Bourgoonjese leger ein Luukse militie bie Lantin. Vincent de Bueren en Gosuin de Strailhe wèlde daonao der hertog vaan Bourgoonje en der keuning vaan Fraankriek, dee häör kamp bie de noe verdwiene trappe vaan Sint-Walburgis hadde opgeslaoge, gevaange numme. Me besturmde de trappe mehr häör wanhaopsdaod mislingde, de Zèshóndjerd Franchimonteze vonge allemaol den doed. Es vraak woort de stad in de brandj gestaoke deur de Bourgoonjers. Dennoch de Montagne de Bueren neet de trappe oêt 1468 zien numpt me de trappe ouch waal Lès sî cin grés (de 'Zèshóndjerd trejje' op het waols), evels heet de trap 'mehr' 375 trejje.
Historie
De trappe dee ein verbènjing vörme tösse het centrum vaan de stad en de citadel woort voltoeid in 1880. De gemeingde had in 1875 besloete tot er ein snellere verbènjing mos koume tösse het centrum en de citadel um het veur het inne citadel residerendje garnezoen gemaekeliker te maoke bie opstanje of invasies inne stad te koume. Daobie mos gezag weure tot het garnezoen neet mie deur de Rue Pierreuse moch aafdaole. Dao waore naomelik ein aontal kaffees gevestigd en waor der ouch prositusie aonwaezig. Evels heet de trap mehr tien jaor deens' gedaon; in 1891 woort de citadel ontmanteld.
Triva
- Eeder jaor oppen ierste zaoterdig vaan oktober weurt de trap mèt 3000 kaerse verlich.
- De centraole trappe in het deur Aldo Rossi óntworpe Bonnefantenmuseum te Mestreech zien geïnspireerd oppe Montagne de Bueren.