'''Zjezus Christus''' of '''Jezus Christus''', kortweeg dèks ''(Z)jezus'' ([[Latien]] '''Jesus Christus''', [[Aajdgrieks]] '''Ιησους Χριστός''', letterlek Zjezus de gezaafde), waor 'ne [[Joede|Joedse]] [[profeet]] oet 't begin vaan de [[ierste iew]]. Heer weurt door 't [[Christendom]], tot nao häöm verneump is, in al zie struiminge es heiland en [[Messias]] erkind. Zien volgelinge heite christene.
ajajaja
== Leve en legendevörming ==
Veurnaomste bronne voor zie leve zien de veer [[evangelie|evangelië]], die Zjezus verhierleke es zoon vaan God. [[atheïsme|Atheïste]] meine soms tot Zjezus gaaroet neet bestoon heet; de meiste wetensjappers goon dao wel vaan oet, waor 't ouch mer umtot 't [[Christendom]] ziech snel verspreide en de evangelië vrij oonaofhenkelek vaanein gesjreve woorte.
Zjezus moot naoventrint veer jaor veur 't begin vaan de jaortelling gebore zien (boeveur zien geboorte neet mèt 't begin vaan de jaortelling samevèlt, zuug [[Gregoriaanse kalender]]). Vaan zien vajer weurt gezag tot heer tummermaan waor. Zien keenderjaore brach heer door in [[Nazareth]]. Wie heer naoventrint 30 jaor oud waor, begós heer in [[Judea]] te preke, veural in en roond [[Jeruzalem]]. Roond 't jaor [[30]] moot heer gekruseg zien in opdrach vaan [[Pontius Pilatus]] op veurspraok vaan de [[farizeeë]], umtot zien lier in strijd waor mèt die vaan 't orthodox [[Joededom]].
