't Ierste McDonald's-restaurant woort geopend in [[1940]] in [[San Bernardino (stad)County|San Bernardino]] ([[Californië]]) door de breurs [[Dick McDonald|Dick]] en [[Mac McDonald]], zäöns vaan [[Ierland|Ierse]] immigrante. 't McDonald's-restaurant woort bekinder nao [[1948]], wie de breurs hun innovatief ''"Speedee Service System"'' oontwikkelde, e 'loupende band'-productiesysteem veur [[hamburgers]], zoonder bedening aon taofel. 'ne Handelsreiziger en verkouper vaan milkshakemachines [[Ray Kroc]] kaom mèt 't idee mie zaken te opene. Heioet is 't McDonald's-concern oontstande. De formule kwaliteit, service & zuverheid die me toen bedach, weurt vendaog d'n daag nog ummer gehanteerd in alle restaurants wereldwied. 't Ierste McDonald's-restaurant in Europa woort geopend in [[Zaandam]] (gemeinte [[Zaanstad]], [[Noord-Holland]]) in 1971. 't Bedrief waor in deen tied 'ne partner vaan [[Albert Heijn (supermerret)|Albert Heijn]]. Later woort de franchiselicentie euvergenome door Jan Sybesma.
