Sjweeberig

Dit artikel is gesjreve (of begós) in 't Valkebergs. Laes hie wie v'r mit de versjillende saorte Limburgs ómgaon.

---

Sjweeberig (Nederlands: Schweiberg) ies 'n buurtsjap van Mechele in de gemeinte Gulpe-Wittem in 't heuvelland van Zuud-Limburg. De nederzètting ies gelege in op de Sjweeberigerwaeg tösje Kosberg en Höfke. Vreuger name zint (16e ièw) Scheveyberch, (17e ièw) Schaweybergh en in de 19e ièw: Schweijsberg. De naam zou sjtamme van 't Romaanse (ex(cavata (sjevel), dat oetgehaold beteikent. In de buurt sjtruimp de Nutbron, 'n ziebaek van de Geul. In 2002 wone d'r 110 luuj in Sjweeberig.

Bezeenswaerdig

• 'n Aantal vakwerkhäöf en hoezer.
• De Sjeeberigerbösj, de Kruusbösj en de Molt zint hellingbösj mèt diverse soorte buim op de huègdes: eik, berk, liesterbes en höls. Liègeraaf sjtoon haagbeuk, èsj, zeute keersj en hazelaer. Op de baom greuje de adelaersvaren, de blauw bosbes, 't meizäödsje (Lelietje der Dalen), Mariabèdsjtruè (of Waldmeister), Muskuskroed, Maelpaume (Maagdenpalm) en de kèrkesjleutel. Ouch 'n paar soorte orchideë op sómmige plekke.

Door de bösj weure ouw eigendómsgrenze aangegeve door reinsjtein (grenssjtein) en grensbuim. Initiale geve de name van de eigenaersj en of gebrukersj aan. De verwering van de kalksjtein haet tot 't óntsjtoon van 'n laog vuursjteineluvium geleid. Ouch óntwiekkelde ziech hie de zoageneumde orgelpiepe. Versjpreid door de bösj liegke kómpvörmige koele, die wieze op verzakkinge. Dit weure dolines geneump. Hievan liegke d'rsj tièntalle in dees bösj. 't Gebeed weurt beheerd door Sjtaatsbosbeheer.