Gats: Versjèl tösje versies

't [[Toponiem]] ''gats'' is via 't [[Ripuarisch|Rijnlands]] oet 't [[Duits|Hoegduits]] geliend, boe 't al [[Aajdhoegduits|sinds d'n tienden iew]] (es ''gazza'') bekind is.<ref>Friedrich Kluge, bearbeitet von Elmar Seebold: ''Etymologisches Wörterbuch der deutschen Sprache. 24., durchgesehende und erweiterte Auflage.'' Walter de Gruyter, Berlin/New York 2001, p. 332</ref> 't Woord is binne de Nederlen neet beperk tot 't [[Limbörgs]], meh kump ouch in [[Nimwege]] veur (es ''gas''), neet allein in 't [[Nimwaegs|dialek]] meh ouch es officieel toponiem.<ref>H.P.M. Teunissen (1933): ''Nijmeegsche Straatnamen''. Geciteerd op de Nederlandstaolege Wikipedia: [[:nl:Gas (steeg)]]</ref> Zelfs in [[Utrei (stad)|Utrech]] kint me de ''Massegast''.<ref>[http://maps.google.nl/?ll=52.09121,5.119017&spn=0.001297,0.002411&t=m&z=19 Massegast en directe umgeving op Google Maps]</ref> ''Gaank'' is es toponiem (in de vörm ''-gang'') väöl gebrukeleker; zoe kump 't ouch in Mestreech veur. De gebrukeleke Algemein Nederlandse benaoming is ''steeg'', wat ouch wel es toponiem weurt gebruuk en verwant is aon ''stijge'' en ''steiger'' (wat in [[Enkhuizen]] ouch in de beteikenis ''gats'' veurkump). Op d'n Utrechsen Heuvelrögk is 'n ''steeg'' e landweegske, vaanajds e zandpaad. Nog aander variante zien ''slop'' ([[Zuid-Holland]] en [[Zieland]], meh landelek gebruuk in de samestèlling ''sloppenwijk'' en de staonde oetdrökking ''sloppen en stegen'') en ''glop'' ([[Wesfries|Wesfriesland]]). Tot slot weure sommege gatse gewoen 'straot' geneump.

 

 

==Referenties==