Terlinne

Dit artikel is gesjreve (of begós) in 't Valkebergs. Laes hie wie v'r mit de versjillende saorte Limburgs ómgaon.

---

Terlinne (Nederlands: Terlinden) ies 'n buurtsjap van Norbik in de gemeinte Mergraote in 't heuvelland van Zuud Limburg. 'n Paar hoezer huère bie de gemeinte Gulpe-Wittem. De naam kump van ter ling ( bie de lindeboum). 45 Häöf en hoezer liegke langs de weeg Mestreech - Vols en De Plank aan de Belzje grens.

Bezeenswaerdig

• Kapelke gewiejd aan Maria. De buurt baejt hie bie 'n sjterfgeval same de roazekrans. In de maond mei weurt hie edere zaoterdig de Heilige Mès opgedrage.
• De kèrmes in Terlinne vingk plaats in 'n weekend begin augustus. Dao sjtoon 'n paar kèrmesattracties. In 'n fièstent treffe ziech inweunersj en väöl bezeukersj veur de Terlinne-aovend mèt diverse artieste. Van de opbrings geit de ganse buurt 'ne daag op sjtap en weurt de Mariakapel ónderhoute.
• De carrévörmige Terlinnerhaof dateert oet 1852 en ies geboewd van baksjtein. Allewiel zint d'r vakantieweuninge in gevestigd.