De Percée: Versjèl tösje versies

Verwijderde inhoud Toegevoegde inhoud
Luxe beNen (Euverlèk | biedrages)
De Percée in Mestreech
(gei versjil)

Versie op 1 dec 2011 19:12

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.



Kroesing vaan de Percée mèt de Wilhelminasingel.


De Percée is ein benumming veur ei gedeilte vaan de Wiekerbrögkstroat of veur de Wiekerbrögkstraot en de Statiestraot same in Wiek (Mestreech). De Percée luip vaan de Aw Brögk bis de Statie vaan Mestreech.

Historie

 
Kaort vaan Mestreech in 1775. Oppe kaort is te zeen tot aon de Wyckerkaant geine straot rechdoor geit en stop bie de Rechstraot.

Veur 1867 waor Mestreech ein vèstingstad. De statie waor daan ouch boete de moer geboewd. 't Zouw de stadsmoer zwaak make es d'r ein spaor dweers door zouw loupe. Meh me mós vaanwege de stadsmoer (mèt mer twie stadspoerte) wied umloupe um bie de statie te koume. Me mós dös ein doorbraok (op 't Frans: Percée) make um dizze weg korter te make. In 1865 begós me mèt 't slope vaan hoezer aon de Rechstraot. In 1866 maagk me ein pörtsje door de stadsmoer nao de statie. Wie de stadsmoer gesloop weurt (1867) en dös ouch 't statiepörtsje (1868), kin d'r nuie straote ontstaon. In 1881 legk me de statiestraot aon, daan nog mèt de Franse naom Percée benump. Um dizze nuie straot te verbinje mèt de Aw Brögk weure verveulges in 1882 nog get hoezer aon straote oesterlek vaan de Rechstraot gesloop en in 1888 volg ouch 't oesterlek deil vaan de Rechstraot. De ganse doorbraok en 't nui straotepatroen vaan Wiek koum veerdeg in 1892. Aon de aonsloetende Wilhelminasingel (dee 't tracé vaan d'n awe stadsmoer völg) verrieze pas in 1899 de ierste hoezer, de weskaant vaan de stad had veurrang. Aon 't ind vaan de Percée kin me de statie vinje. De in 1853 geboewde houte statie woort in 1915 vervange door ein nuie statie.

De Percée huije

De Percée heet ziech, mèt de Rechstraot, oontwikkeld es ein vaan de belaangriekste winkelstraote vaan Wiek. Oondaanks det is de Percée waal beriekbaor veur verkier es auto's en fietsers. 't Breier gedeilte vaan de Percée, de Statiestraot, weurt gebruuk es standjplaots veur merette, zoe wie de antiekmerret (jedere zaoterdag) en de biologische productemerret (jederen donderdag). Midde oppe Percée steit ein vaan de bekindje stadsklokke. Dao weurt ouch jeder jaor eine keemel opgehiese veur de vastelaovend es tegegewich veur 't Mooswief det weurt opgehiese aon de weskaant vaan de stad. Wiek nump ziech daan ouch de keemelstad en häör vastelaovendvereniging nump me de Keemeleers (in wesmestreech zien dit de Tempeleers).

Gallerie

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=De_Percée&oldid=291266"