Arabisch Veurjaor: Versjèl tösje versies

'''[[Marokko]]''' is zjus wie Jordanië 'n monarchie mèt 'ne keuning ([[Mohammed VI vaan Marokko|Mohammed VI]]) dee vrij vas in 't zaol zit. 't Is evels ouch e land mèt groete sociaol tegestèllinge. Zoe löp 't in väöl opziechte in oontwikkeling achter op aander Arabische len, in 't bezunder op 't vlaak vaan [[gelètterdheid]] (mer 56,4% in 2010).<ref>[http://hdr.undp.org/en/media/HDR_2010_EN_Complete_reprint.pdf VN - Human Development Index] (paasj 194 vaan 't rapport, paasj 203 vaan 't documint)</ref> Groete versjèlle bestoon tösse de Arabische bevolking in de stei en de [[Berbers|Berberbevolking]] in 't bergland. De proteste begóste dao op [[20 februari]], in [[Rabat]]; e kleinder protes in [[Casablanca]] volgde. De keuning reageerde snel: op [[9 miert]] kundegde heer versjèllende democratische hervörminge (mie mach veur 't parlemint en de regering) wie ouch erkinning vaan de Berbercultuur ('t [[Berbertaole|Berbers]] es officieel taol) aon. Ouch leet heer politieke gevaange vrij. E referendum euver de hervörminge woort gehawwe op [[1 juli]]. Oondaanks proteste vaan lui die de hervörminge neet wied genóg voonte goon, woort 't referendum mèt groete mierderheid aongenome. Parlemintsverkezinge, mèt 'n veur Marokko hoeg opkoms vaan 45%, woorte op 25 november gehawwe.<ref>[http://www.aljazeera.com/news/africa/2011/11/20111126224620333673.html Al Jazeera English - Islamic party wins Morocco parliamentary vote]</ref> De proteste in Marokko haange veur e deil ing same mèt die in de Westeleke Sahara; zuug oonder.