Francisco Goya

Francisco José de Goya y Lucientes (1746 Fuendetodos (Aragón) - 1828 Bordeaux) waor ein vaan de groetste kunsteneers vaan zienen tied. Goya weurt besjouwt es eine kunsteneer dee zienen tied ver veuroet waor. Ziene sjèlderstijl kin me besjouwe es eine veurlöper vaan 't expressionisme en 't surrealisme.

Francisco Goya, zelfportret oet 1783.

Levesverhaol

Roontelum 1760 is Goya in de lier bij de kunsteneer José Luzán in Zaragoza. Later vertrek heer nao Madrid boe heer in de lier gaot bij de breur vaan zien vrouw, Francisco Bayeu. Nao ein reis nao Italië gaot Goya wèrke in de keuninklijke karpètfebrik. Zoe kump heer roontelum 1780 ouch te wèrke bij de Academie van Madrid en maag heer wèrke aon 't hoof vaan de keuning vaan Spanje. Mèt de Franse Umwenteling en zien townummende douvegheid verangert zien sjèlderstijl gróndeg roontelum 1790. In 1799 woort heer benump tot de hoofsjilder vaan 't Spaanse hoof. Wie Napoleon Spanje wèlde verovere breek d'r oorlog oet in Spanje. Goya sjèldert de gruwwele vaan dee oorlog. Wie de oorlog veurbij is löp de politieke spanning hoeg op. Goya vertrek nao Fraankriek en heer blijf dao es vrijwèllege banneling. In ziene sjèlderstijl is heer in 't begin vrij traditioneel. Later woort zien wèrk get expressiever. Mèt zien passie en realisme weure zien expressioneel sjèlderije ouch get vervreempend. In 1824 verhuust Goya nao Bordeaux boe heer veer jaor later euverlijd.

Gallerie

• 
  Portret vaan Karel IV, keuning vaan Spanje, 1789.
• 
  Hertogin vaan Alba, 1795.
• 
  De keuninkleke familie, 1800-1801.
• 
  De daarde vaan mei, 1814.
• 
  Hertogin vaan Alba en de gezegende, 1795.
• 
  De coven (bijeinkumps vaan hekse), 1797-1798 (oet de serie zwarte sjèlderije).
• 
  Naakse Maya, 1800.
• 
  Kleijenteerende Maya, 1800.
• 
  De reus, 1808-1812.
• 
  Saturnus zien zoon buffelenteerend, 1819-1823 (oet de serie zwarte sjèlderije).