Albrecht Dürer

Albrecht Dürer (of Albrech) (Neureberg, 21 mei 1471 - Neureberg, 6 aprèl 1528) waor einen Duutse kunsteneer dae kin besjouwt weure es ein vaan de belaankriekste en invloodriekste kunsteneers vaan de noorderleke Renaissance. Hae waor bedreve in 't make vaan teikeninge, houtsnijes en kuipergravures.

Zelfportret vaan Dürer

Levesverhaol

Ontvoering op eine einheure, kuipergravure oet 1516.

Dürer waor de zoon vaan eine Hongaorse gauwsmeed dae ziech in Duutsjlandj had gevestegd. In 1486 woort Dürer liêrlingsjelder in 't atelier vaan Neurebergs veurnaomste sjelder, Michael Wolgemut. In 1490 góng op reis nao 't zuie en bezog hae Basèl en Colmar. In 1494 góng hae nao Venies. Ein jaor later opent hae zien eige atelier in Neureberg. Dao maagkde hae veural graofisch wèrk. Tösse 1505 en 1507 bezuukde hae opnui Italië. Hae bleef veural in Venies, boe hae 't wèrk vaan Giovanni Bellini bestudierde. Tösse 1520 en 1521 bezuukde hae nog de Nederlande. Hae bleef veur de res vaan zien leve in Neureberg woene. Dao maagkde hae zien veurnaomste wèrke boeónger väöl portrette. Dürer haet väöl wèrke achtergelaote; zoê'n 70 sjelderije, 350 houtsnijes, 100 kuipergravures en 900 teikeninge.

Jong koniên, gouache en waterverf oet 1502.

  Dit artikel is e sjtumpke. De kans Wikipedia helpe door 't aan te völle