Salvador Dalí: Versjèl tösje versies

Verwijderde inhoud Toegevoegde inhoud
Luxe beNen (Euverlèk | biedrages)
Nuuj pazjena: thumb|right|Salvador Dalí in 1965 '''Salvador Domingo Felipe Jacinto Dalí i Domènech, markies de Dalí de Pubol''' (Figueres, 11 mei ...
(gei versjil)

Versie op 17 nov 2011 22:10

Salvador Domingo Felipe Jacinto Dalí i Domènech, markies de Dalí de Pubol (Figueres, 11 mei 1904- Figueres 23 jannewarie 1989) waor eine kunsteneer oet Cataloenje. In zien beginjaore beheersde haer bienao alle stijle, meh kaom oetindelek oet bie 't Surrealisme boe haer ouch 't bekindste mèt is gewaore.

Salvador Dalí in 1965

Levesverhaol

Jäög

Dalí woort gebore op Figueres, ein stad in 't noorde vaan Cataloenje. Haer kraog dezelfde naom es zien awere broor dae nege maond veur zien geboorte doed waor gegange. Op vreuge leeftied waor al dudelek tot haer good kòs tekene. Ziene vaajer, einen advocaot en notaris, waor neet enthousias euver ziene zoons talent. 't Waor zien meer dae häöm heet gesupportert um weijer te gaon mèt de kuns. Jedere zomer góng de familie mèt de familie vaan kunskinner Ramon Pichot (dae dèks nao Paries gòng) nao de kusplaots Cadaqués. Dao maak haer kennis mèt modernistisch kuns. Wie haer 14 jaor aajd is (1918) heet haer al zien ierste expositie in de hal vaan de kemedie vaan Figueres. In 1921 sterf zien meer, det ei groet effek op häöm had.

Studie

Ierst wiegerde zien vaajer meh oetindelek kraog haer towstumming um in 1922 nao de kunsacademie in Madrid te goon. Dao stoont haer al bekind es dandy. De academie lierde, tot Dali's teläörstèlling, veural de lui in de laotste sjelderstijle zoe wie kubisme, imperialisme en pointilisme. Dalí beheersde dees stijle good, meh haer wouw leever lès in 't klassiek sjeldere. In 1923 woort Dalí daan ouch vaanwege astrantegheid gesjors vaan de academie. Later woort haer ouch gearrèsteerd in Gerona vaanwege radicaole politieke ideeë.

in 1926 bezuuk Dalí Paries. Dao treft haer de sjelder Picasso. Ouch is Dalí daan permanent vaan de kunsacademie vaan Madrid aof. Zien sjelderwèrk waor toen erg beïnvlood door Picasso en Miró. In 1928 sjrief haer mèt, mèt 't geel manifes same mèt Lluis Montanya en Sebastia Gasch. Det manifes waor vaan groete invlood veur de futuristische, kubistische en Dada beweginge in Spanje. Dalí laot ein knievel stoon geïnspireerd op dee vaan sjelder Diego Velázquez.

Paries

In 1929 wèrk Dalí same mèt Luis Buñuel mèt aon de film Un Chien Andalou (einen Andaloesische hoondj). De homosexuele vrundj vaan Dalí, Federico García Lorca (dee al sersjèllende mislökte leefdespoginge bie Dalí had gedoon), zaog det es ein belediging en verbrook de vrundsjap. De surrealistische film maagk vaan Dalí eine gerespectierd kunsteneer. Ouch bie de kunsteneers vaan Paries. Miro leit Dalí roond in Paries, daobie treft haer ouch Helena Ivanovna Diakonova od Gala. De twie weure verleef wienie ze op verkantie gaon in Cadaques. Gala sjeit mèt häör man Paul Éluard en trouwt mèt Dalí in 1934.

Amerika en later

In 1940 vertrèk 't koppel nao Vereinegde State van Amerika. Haer maagk daan wèrke dee bekind weure es wèrke oet zien klassieke periood. 15 jaor later kiere ze trögk nao Spanje. In 1982 sterf Gala. Zeve jaor later sterf ouch Dalí aon einen attak in 1989.

Externe links


   Dit artikel is e sjtumpke. De kans Wikipedia helpe door 't aan te völle

 
Commons
Op de pazjena Salvador Dalí van Wikimedia Commons zeen media gerelateerd aan dit óngerwerp te vènje
Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Salvador_Dalí&oldid=289326"