Lek: Versjèl tösje versies

De '''Lek''' is 'n [[reveer]] in [[Nederland]], en ein vaan de tek vaan de [[Rien|Rijn]] in zienen oonderluip. Heer begint bij [[Wijk bij Duurstede]] (provincie Utrech) es veurtzètting vaan de [[Nederrijn]], dee ziech dao vertek in de Lek en de [[Krómme Rien|Krómme Rijn]], en indeg bij [[Kinderdijk]] (gemeinte [[Nieuw-Lekkerland]], provincie Zuid-Holland), boe 'r samekump mèt de [[Noord (reveer)|Noord]] en dao [[Nui Maos]] (Nederlands: ''Nieuwe Maas'') geit heite. Dit trajek is 62 kilometer laank. De Lek is dinkelek roond 200 veur Christus oontstande. In de Romeinsen tied waor 't nog e klei reveerke; de hoofstroum vaan de Rijn leep toen door Utrech. In [[1122]] evels woort de Krómme Rijn bij Wijk aofgedamp, zoetot innins wiedoet 't mieste Rijnwater door de Lek góng struime.

De Lek kump door de provincies [[Utrech (provincie)|Utrech]], [[Gelderland]] en [[Zuid-Holland]]. Aon häöm ligke versjèllende historische [[stad|stedsjes]] wie Wijk bij Duurstede, [[Culemborg]], [[Vianen]], [[Schoonhoven]] en [[Nieuwpoort (Nederland)|Nieuwpoort]] (gemeinte [[Liesveld]]), wie ouch de bezeensweerdege dörper[[dörp]]er [[Vreeswijk]] (gemeinte [[Nieuwegein]]) en Kinderdijk. De Lek kruis ziech bij Wijk (kort nao zienen oersprunk) mèt 't [[Amsterdam-Rijnkenaal]], bij Vianen mèt 't [[Merwedekenaal]]. De reveer is vaan groet economisch belaank veur de binnevaart.