Wikipedia:Wie sjrief ich Limburgs: Versjèl tösje versies

'''Wie sjrief ich Limburgs?''' Väöl Limburgers vraoge zich det aaf es ze e book, e tiedsjrif, 'n website of wat dan ouch in 't Limburgs gesjreve zeen. Kalle, det geit zónger meujte, mer sjrieve, det höbbe v'r op sjool elein in 't Nederlands gelierd. In 't begin höbs te mesjien zelfs meujte óm te begriepe wat dao persies sjteit! Óm 't zelf good op te sjrieve is dan nog väöl lestiger. Toch kan jeder dae 't Limburgs behiersj zien taal in prinsip ouch sjrieve. Hie kans te 'n aantal sumpel tips daoveur vènje.

 

Es te nog neet mit gesjreve Limburgs vertroewd bis, dan perbeer iers röstig ins get te laeze. In de zoegenaamde [[:Categorie:Wikipedia:Artikele nao dialek|categorie "Artikele nao dialek"]] vèns te e groet aantal artikele sjoen gesorteerd op dialek. Kiek ins of dien eige dialek dao ouch bie is; zoe jao, dan klik de categorie mit det dialek aan. Noe höbs te de käös tösje 'n aantal artikele; zeuk mer ein oet. Perbeer 't noe helop te laeze. Es 't neet direk löp, laes 't gerös nog e paar kier door.<br>

Is op Wikipedia gein artikel in dien eige dialek, dan perbeer 'n angert. 't Lik veur de handj óm e dialek te numme van 'n plaatsj die bie dich in de buurt lik, mer dat kan gevaerlik zeen: wie bekènd zeen d'r sóms enorm versjille tösje twie Limburgse dialekte die gaar neet zoe wied oeterein likge. Veur sjrievers oet Nederlands Limburg besjteit e breid alternatief: zuug [http://www.limburgzingt.nl/plaatsen.htm hie]. Veur Belsj Limburg gif 't helaas nog gein vergeliekbaar brónne. Dao is aevel 'n waarsjoewing bie nudig: de sjpelling van dees vastelaovendleedjes is neet altied gans in orde. Euver die sjpelling sjtrak mie.

 

't Hèngk natuurlik d'r vanaaf wieväöl d'r in dien dialek te laeze vilt, mer nao e paar tekste laeze mós te toch al e bitje e bild höbbe van wie me Limburgs sjrief.

 

== Zelf sjrieve ==