Iesheilige

Dit artikel is gesjreve (of begós) in 't Valkebergs. Laes hie wie v'r mit de versjillende saorte Limburgs ómgaon.

---

Iesheilige zint de heilige Mamertus, Pancratius, Servaos en Bonifatius. Op 11 mei, 12 mei, 13 mei en 14 mei weure hun namesdaag gevierd. De iesheilige kóndige de zomer aan. In de tuin begint dan al good te greuje. In katholieke regio's woorte op dees daag de kruusprocessies gehoute. Gebaejd woort doort dan veur good waer en 'n gooj ougs. Rónd dees periode van 4 daag ies dèks sjpraoke van groate wiesselinge in de temperatuur. 't Kènt bieveurbeeld 25 grade C. weure (1998). Daoneve kènt 't sjnachs ouch vreze. Aangenómme weurt dat 't nao de iesheilige neet miè zal vreze en dat alle potplante, einjaorige plante, zomerbleujersj en ander geveulige gewasse nao boete kènne of geplant kènne weure.