Zimbabwe: Versjèl tösje versies

Verwijderde inhoud Toegevoegde inhoud
veerdeg
Echtio (Euverlèk | biedrages)
Tekslien 50:
 
==Fysische geografie==
Zimbabwe steit nao umvaank vaan landgroetde roond de zestegde plaots en is in umvaank te vergelieke mèt Duitsland en 't Belsj same. 't Groetste deil vaan 't land besteit ouchoet [[hoegvlaakde]], ''Hoogveld'' wie me dat in Zuielek Afrika neump. Dit vint me veural in 't weste vaan 't land. 't Plateau is zoe tösse 1200 en 1600 meter hoeg. In 20% vaan 't land ligk ''laagveld'', wat 'n huugde vaan minder es 900 meter bove zieniveau heet. Oetgesproke bergechteg terrein vint me allein in 't ooste, boe de [[Nyangani]] mèt 2592 meter 't hoegste punt vaan 't land is. 't Land ligk in de drainaasjbassins vaan twie revere, de [[Zambezi]] en de [[Save]]. De Zambezi struimp in 't noorde langs e deil vaan de Zambiaanse grens, meh kump Zimbabwe neet ech binne. Op dit trajek vaan de Zambezi ligke twie vaan zien promininste eleminte: de [[Victoriawaterval]] en 't [[Karibameer]]. De Save oontsprink in 't land en vleujt kort aon de grens mèt Mozambique same mèt de [[Runde]]. Hei ligk 't liegste punt vaan 't land: 162 meter.
 
Zimbabwe had vaanajds 'n rieke en gevarieerde natuur, meh mier es in väöl aander len in de regio heet Zimbabwe de lèste decennia mèt oontbossing te make gehad. Boete de sjaoj aon natuur en milieu kump dit ouch 't toerisme neet ech tegooj. 't Groetste rizzervaot is 't [[Hwangwe National Park]].
Aafkomstig van Wikipedia, de Vriej Encyclopedie. "https://li.wikipedia.org/wiki/Zimbabwe"