Gouvernemint (Nederlands Limburg)

't Gouvernemint (ouchwel gouvernemintsgebouw of provinciehoes) is 'ne gebouw in Mestreech boe-in 't bestuur vaan de Nederlaandse provins Limburg is gevestigd. 't Gebouw ligk op 'ne eiland in de Moas ten zuie vaan Mestreech, vlaakbij deJ. F. Kennedybrögk en de wiek Zjeramiek. Ind 't gebouw zetele de Provinciale Staoten, de Gedeputeerde Staoten en de Gouverneur (eigelek de commissaar vaan de keuning(in)).

't Gouvernemint aon de Maos.

't Gouvernemint is ontworpe door arsjitekebureau Snelder en woort in 1986 door keuningin Beatrix geopend. In 1992 werd in 't gebouw 't Verdraag vaan Mestreech geteikend.

Historie

Al iewe is d'r 'n gouvernemint gevestigd in Mestreech. Lange tied waor 't Braobes gouvernemint (noe Spaans gouvernemint) gevestigd aon de Vriethof. 't Gouvernemint deede es residentie veur de Hertoge vaan Broabes, ein vaan de twie hiere vaan Mestreech en laoter dus ouch de keuning vaan Spanje dee ouch hertog vaan braobes waor. Nao de euverheersing vaan de Franse in 1794 verdween de twiehierigheid en de functie vaan 't gouvernemint. Es Mestreech weer oonder Nederlaands gezaag kump kump 't gouvernemint te ligke aon de Bouillionstraot. In 1935 weurt dat gebouw vervaange door 'n nui gebou wat noe in 't bezit is vaan de Universiteit vaan Mestreech. In 1986 verhuust 't gouvernemint nao Randwiek.