Egeïsche Zie

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

---

Ligking vaan de Egeïsche Zie

De Egeïsche Zie (Grieks: Αιγαίο Πέλαγος, Aigaío Pélagos, Törks: Ege Denizi) is 't gedeilte vaan de Mediterraonse Zie dat lègk tösse Griekeland en Törkije. 't Lègk in 't noorde aon de zuidkös vaan 't Griekse Oos-Macedonië, in 't ooste aon de weskös vaan 't Törkse Anatolië en in 't weste aon de ooskös vaan 't midde vaan Griekeland en Thessalië. In 't zuie weurt 't begrens door Kreta en 't water d'r um heer. De zie is verneump nao Aegae, e Grieks dörpke dat allewijl Vergina weurt geneump. Dèks weurt de Egeïsche Zie ouch de witte zie geneump. In de mieste Slaovische taole en op 't Italiaans neump me 't nog ummertouw de Witte Zie.