Remunj: Versjèl tösje versies

== Sjtadsgezich ==

[[Image:Roermondmunster.jpg|thumb|right|Munsterkirk]]

De sjtad ligk aan de rivier de [[Roer]], woaan het neet häöre naam ontleent, en de [[Maos (revier)|Maas]], wo-in de Roer hiej oetkump. De naam kump aaf van Rura-Monde. Rura is ein aaj godheid wonao de rivier de Roer is geneump. Monde haet es beteikenis 'brök'. Dus Remunj beteikent eigelik de brök van Rura. De sjtad haet väöl historische geboewe. In dees bissjops-sjtad zeen det natuurlik allereers de kirke: de [[gotiek|Gotiese]] [[Sint-Christoffel]] kathedroal oet de 15e eeuw en de [[Romaans]]-Gotische Munsterkirk oet de 13e eeuw. 't Oud Sjtadhoes, in [[Maaslandse renaissance]]sjtiel, waerde in 1700 aafgeboewd. Ouch zeen nog sjtökker van de walmoer euvergebleve, wovan de Rattentore 't meist imposant is. In de omgaeving ligk nog Landjgood [[Hattem]].

 

== Historie ==

De bekinde historie van Remunj begint in 1130: in det jaor waerde de sjtad veur 't eers geneumd. 'n Eeuw later begós mit de koms van ut [[kloaster|klooster]] de religieus historie van de sjtad. Later wirt 't ouch ein hanjels-sjtad: es ein van de mindere sjtaej sjloot 't zich aan biej de [[Hanze]]. 't Waerde hoofdsjtad van 't Gelderse Euverketeer en in 1559, biej de kirkelike herindeiling van Nederland, ouch nog [[biesjop]]s-zaetel. In de [[Tachtigjaorige Oorlog]] wisselde 't meerdere kere van eigeneer, mer bleef oeteindelik in Sjpaanse henj, toet de sjtad van [[1702]] toet [[1716]] weer aeve biej de Noordelike Nederlande heurde.