W-Dreej versjèl tösje versies

101 bytes toegeveug ,  9 jaar geleden
gein bewirkingssamevatting
{{dialek2|Valkebergs|Venloos}}
'''W-Dreej''' ies 'n zangtrio oet [[Venlo]], besjtaonde oet [[Quinn Warmerdam]], [[Christel van Rijn]] en [[Hay Wilders]]. Zie zinge [[carnaval]]sleedsjes in 't [[Venloos]]. De meiste leedsjes van W-Dreej were gesjreve door Warmerdam. In 2010 en 2011 höbbe ze 't [[LVK]] gewónne.
 
==Historie==
W-Dreej besjteit saer 2002. Toen voogde Christel van Rijn, daoveur lid van de [[Kammeräödjes]], ziech bie Warmerdam en Wilders, die al sins 1992 'n carnavalsduo waore. In 2003 haolde dees formatie de veerde plaats in 't [[Limburgs Vastelaovesleedjes Konkoer]] (LVK) mèt 't leedsje ''Höf de glazer in de loch''. Later dat jaor woort de naam W-Dreej bedach en kaom de cd ''Höf de glazer mit W-Dreej'' oet. In 2004 vörmde Christel van Rijn 'n gelegeheidsduo mèt [[Bart Houtermans]]; ze zónge same ''Ein jaor'', dat twiède woort op de ''Opus [[Jocus]] Leedjesaovend'' en in de finale kaom van 't LVK. 't Nummer sjteit ouch op 't repertoire van W-Dreej en op hun album ''Dreije!'' (2007).
 
W-Dreej haolde in 2006 en 2007 weer de LVK-finale, mèt ''As 't aovend is'' en ''Witse wie?''. In 2009 woorte ze driede op 't LVK, mèt 't nummer ''Weej halde van alles''. In 2010 wónne zie 't LVK mèt 't leedsje ''Vandaag''. In 2011 wónne ze 't LVK veur de twiède kièr, mèt 't leedsje ''Kôm 's kiéke beej ôs!''.
 
Zie woorte drie kièr oetgerope tot de "''Koelkraker''" van de ''[[Boètegewoeëne Boètezitting]]''. W-Dreej sjtóng ouch versjillende kière in de finale van de ''Jocus Leedjesaovend''.
8.764

bewirkinge

Aafkomstig van Wikipedia, de Vriej Encyclopedie. "https://li.wikipedia.org/wiki/Speciaal:MobielVerschillen/255230"