Etten-Leur

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

---

Ligking vaan etten-Leur in Noord-Braobant

Etten-Leur is 'n gemeinte en nui stad in de Nederlandse provincie Noord-Braobant, te weste vaan Breda, mèt 'n oppervlak vaan 55,90 km² (daovaan 0,61 km² water) en 40.331 inwoeners per 1 januari 2006. De gemeinte bestoont vreuger oet de aparte dörper Etten en Leur, die nao d'n Twiede Wereldoorlog al zoe aoneingegreujd zien tot me in 1968 de gemeintenaom veranderde vaan Etten en Leur nao Etten-Leur.

Veurnaom veur de oontwikkeling vaan bei dörper waor 't sókkerfebrik, wat in 1868 door einen Heerma van Voss woort aongekoch en sterk woort oontwikkeld. Ouch de spoorlien droog sterk bij aon de greuj vaan de kerne. Nao d'n oorlog waor 't veural 't forensisme wat daoveur zörgde. In 1953 woort e deil vaan 't dörp Sint-Willebrord nao de gemeinte Rucphen euvergebrach. Tot 1999 leep de rieksweeg N58 dwers door de stad heer, wat 't tot ein vaan de lestegste en gevierlikste verkiersknelpunte vaan Nederland maakde. Allewijl drejt de A58 mèt e böchke drum eweg.