Lerop

Dit artikel is gesjreve in 't Gelaens. Ómdat 't plaatsgebónge is, maogs doe 't ómzètte nao 't Bergs (Roerdale), es te dit dialek sjpriks.

---

Lerop is ein buurtsjap in de Nederlands Limburgse gemeinte Roerdale.
’t Buurtsjap maakde pes 1990 deil oet van de gemeinte Sint Odiliënberg. In 1991 góng ’t euver nao gemeinte Posterholt en per 1 jannewarie 1994 nao de gemeinte Ambt Montfort. In 2007 woort ’t nao ein gemeintelikke herindeiling óngerdeil van de nuuj gevörmde gemeinte Roerdale.

Ligking en middele van besjtaon

Lerop ligk 2,5 km noordelik van Sint Odiliënberg, aan de Leropperwaeg, direk zudelik van Remunj. Oastelik van de beboeweing meandert de revier de Roer langs ’t buurtsjap.
Lerop hej op 1 jannewarie 2007 160 inweunersj. ’t Kènmerk zich door de agrarische bedrieve in de ómgaeving veur zoawaal akkerboew es veëteelt. Naeve dees bedrieve tèlt ‘t gehuch ènnige tieëntalle weuninge en ein klein gemeinsjapshoes.
In de buurt van Lerop ligke ‘t Roerdal en ‘t Leropperveldj: aope, agrarische ruumdes mèt op sómmige plaatsje bosje.

Bezeenswaerdig

In Lerop ligke ènnige monumentaal panje: aan de noordkantj ligk ’t Sjteinhoes aan de zuud-oas kantj ligk de Maartenshaof.