Woudenberg: Versjèl tösje versies
Utrei compleet noe |
(gei versjil)
|
Versie op 24 fib 2006 17:42
Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.
Woudenberg is e dörp en 'n gemeinte in de Nederlandse provincie Utrei, op d'n Utreisen Heuvelrögk, te zuie vaan Amersfoort, mèt 'n oppervlak vaan 37,70 km2 en 'n inwoeneraontal vaan 11.197 per 1 januari 2006. Binne de gemeinte ligke gein adner kerne, allein e deil vaan de naobersjap Moorst.
Woudenberg is in gebruuk es 'n forenzeplaots veur Amersfoort en veur recreatie op d'n Utreisen Heuvelrögk.
Historie
Woudenberg oontstoont roond 'n weegkrusing op de Heuvelrögk, örges in de daartiende iew. De naom liet ziech perceis verklaore wie 'r ziech aonzuut. In 1350 woort hei e sloot gebouwd, wat later op las vaan de bisjop vaan Utrei woort aofgebroke um 'n kèrk devaan te bouwe. Dees kèrk steit nog altied. Daonao woorte nog e paar kestiele gebouwd; 't lèste kestiel waor de Gerenstein, dee nog ummer steit. Tot in de twintegste iew blaof Woudenberg, gelege op weineg vröchbare groond, e klei dörp vaan oongeveer 500 inwoeners. Pas mèt 't begin vaan de Ruumdelike Ordening woort Woudenberg es greujkèrn aongeweze, wat daan ouch de greuj vaan de plaots tot häören hujegen umvaank tot gevolg had.